وسى جىلدىڭ باسىنان باستاپ پروفيلاكتيكالىق ەكپەمەن قامتۋ 39،5 – 42% شەگىندە قاجەتتى دەڭگەيگە جەتتى.
جوسپارلى ۆاكسيناسيا قالاي جۇرگىزىلەدى جانە ەپيدەميولوگيالىق جاعداي قانداي ەكەنىن الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا وڭىرلىك كوممۋنيكاسيالار قىزمەتىنىڭ بريفينگىندە ايتتى، دەپ حابارلايدى Almaty-akshamy.kz.
«بۇل باعىتتاعى جۇمىس جالعاسۋدا، جىل سايىن قالا پروفيلاكتيكالىق ەكپەمەن 95% - دان استامىن قامتۋ كورسەتكىشىن ورىندايدى. ۋاقتىلى يممۋنداۋ ۆاكسينامەن باسقارىلاتىن ينفەكسيالار بويىنشا ەپيدەميولوگيالىق جاعدايدى تۇراقتاندىرۋعا ىقپال ەتەتىن حالىق اراسىندا يممۋندىق قابات قۇرۋعا مۇمكىندىك بەرەدى. ۆاكسينا ادامزات ويلاپ تاپقان ەڭ جاقسى ونەرتابىستاردىڭ ءبىرى ەكەنى جالپىعا ءمالىم، ويتكەنى ول ميلليونداعان ادامنىڭ ءومىرىن ساقتاپ قالۋعا مۇمكىندىك بەرەدى»، - دەدى ءا.قالىقوۆا.
ول حالىقتى ۆاكسيناسيامەن قامتۋدىڭ جوعارى كورسەتكىشتەرىمەن عانا قوعامدا ۇجىمدىق يممۋنيتەت ساقتالاتىنىن ەسكە سالدى - بۇل ۆاكسيناسيالانباعانداردى ەكپە العاندار ەسەبىنەن جاناما قورعاۋ. ۇجىمدىق يممۋنيتەت ۆاكسيناسيا سالعىزباعانداردىڭ ۇلەسى ارتقان كەزدە باسەڭدەيدى.
«حالىقتى ۆاكسيناسيامەن بارىنشا قامتۋدىڭ تيىمدىلىگى ۆاكسيناسيامەن باسقارىلاتىن اۋرۋلاردىڭ كوپجىلدىق ديناميكاسىمەن دالەلدەندى. ماسەلەن، سوڭعى 20 جىلدا قىزامىق اۋرۋىنىڭ 3 مىڭ ەسەگە، پاروتيتپەن - 140 ەسەدەن استام، «ۆ» گەپاتيتىمەن اۋىرۋ - 40 ەسەگە تومەندەگەن. سوڭعى جىلدارى ەلدە سىرەسپەنىڭ جەكەلەگەن جاعدايلارى تىركەلدى، ديفتەريا (2009 جىلدان)، پوليوميەليت (1996 جىلدان) جاعدايلارى تىركەلمەدى»، - دەپ تولىقتىردى قالىقوۆا.
ساراپشى اتاپ وتكەندەي، رەسپۋبليكا اۋماعىندا پروفيلاكتيكالىق ەكپە جۇمىستارىن جۇرگىزۋ بىرنەشە نورماتيۆتىك-قۇقىقتىق اكتىلەرمەن رەتتەلەدى، ولاردىڭ ىشىندە «حالىق دەنساۋلىعى جانە ق ر دەنساۋلىق ساقتاۋ جۇيەسى تۋرالى» كودەكسى، نەگىزگى پروفيلاكتيكالىق ەكپەلەر ۇكىمەتتىڭ 24.09.2020 جىلعى №612 قاۋلىسىمەن بەكىتىلگەن ۇلتتىق ەگۋ كۇنتىزبەسىنە ەنگىزىلگەن. ۆاكسيناسيالانباعان بالالاردى مەكتەپكە دەيىنگى مەكەمەلەرگە جىبەرۋ ەرەجەلەرى دە رەگلامەنتتەلگەن.
«دەنساۋلىق ساقتاۋ مينيسترلىگىنىڭ 2020 جىلعى № 289 ۆاكسيناسيالانباعان بالالاردى مەكتەپكە دەيىنگى ۇيىمدارعا جىبەرۋ قاعيدالارىن بەكىتۋ تۋرالى بۇيرىعى قولدانىلادى. وسى بۇيرىقپەن مەكتەپكە دەيىنگى بالالار مەكەمەلەرى بولىپ تابىلاتىن ۇيىمداسقان ۇجىمعا كىرۋ ۆاكسيناسيالانباعان بالالاردىڭ سانى 10% - دان اسپاۋى ءتيىس ەكەندىگى رەگلامەنتتەلگەن. قازىرگى ۋاقىتتا ءبىزدىڭ قىزمەت قوعامدىق دەنساۋلىق ساقتاۋ باسقارماسىمەن جانە ءبىلىم باسقارماسىمەن بىرلەسىپ وسى بۇيرىقتى ورىنداۋ بويىنشا بارلىق پروفيلاكتيكالىق ءىس-شارالاردى جۇرگىزۋدە»،- دەپ ءتۇسىندىردى سپيكەر.
دەپارتامەنتتىڭ دەرەكتەرى بويىنشا بۇگىنگى تاڭدا الماتى قالاسىندا ۆاكسينالار سانى جەتكىلىكتى، بۇل ءتيىستى كونتينگەنتكە پروفيلاكتيكالىق ەكپە جۇمىستارىن ۋاقتىلى جۇرگىزۋگە مۇمكىندىك بەرەدى. سونىڭ ىشىندە ءبىر جاسقا دەيىنگى بالالار، بۇل قالا حالقى اراسىندا ينفەكسيالىق-پارازيتتىك سىرقاتتانۋشىلىق كورسەتكىشىن تومەندەتۋگە مۇمكىندىك بەرەدى.