الماتىنىڭ بارلىق ەگۋ پۋنكتتەرىندە Pfizer پرەپاراتىمەن ۆاكسينا ەگىلەدى
الماتىداعى ۆاكسينالاۋ قارقىنى تۋرالى اقپاراتتى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا قالالىق قوعامدىق دەنساۋلىق باسقارماسىنىڭ باسشىسى ناريمان تابىنبايەۆ مالىمدەدى، دەپ حابارلايدى almaty-akshamy.kz
ونىڭ ايتۋىنشا، ولاردىڭ ۆەدومستۆوسى ۆاك-تان Pfizer ۆاكسيناسىن قولدانۋ تۋرالى ناقتى تۇسىنىك الدى ناريمان تابىنبايەۆ بۇگىندە الماتىدا 137 ەگۋ پۋنكتى ورنالاستىرىلعانىن، ولاردىڭ بارلىعىندا ۆاكسينالاۋ جۇرگىزىلەتىنىن اتاپ ءوتتى.
«ۇكىمەت ءبىرىنشى كەزەڭدە ۆاكسينالاناتىن ءۇش باسىم توپتى انىقتادى. 12-18 جاس ارالىعىنداعى بالالاردى، سونداي-اق جۇكتى جانە بالا ەمىزەتىن ايەلدەردى ۆاكسيناسيالاۋ ءۇشىن Pfizer پرەپاراتىن اكەلۋ جوسپارلانۋدا. سونىمەن قاتار، بۇل ۆاكسينانى مەكتەپتەرگە بارۋ ارقىلى جۇرگىزۋگە رۇقسات ەتىلەدى. قازىرگى ۋاقىتتا الماتىدا وسى جاستاعى ۆاكسينالاۋعا جاتاتىن 174 600 بالا بار. بالا ەمىزەتىن ايەلدەر – شامامەن 67 000، جۇكتى ايەلدەر – 20 500. بىزدە بۇل تىزىمدەر بار. ۆاكسينالاۋ ەرىكتى تۇردە جانە اتا-انالاردىڭ كەلىسىمىمەن جۇرگىزىلەدى»، - دەدى الماتى قدب باسشىسى.
سونىمەن قاتار، ۆەدومستۆودا ۆاكسينانى ساقتاۋ بويىنشا ناقتى نۇسقاۋلار بار. ن. تابىنبايەۆتىڭ ايتۋىنشا، Pfizer ۆاكسيناسى – 60-90 گرادۋس تەمپەراتۋرادا ساقتالۋى ءتيىس. بۇل - ازىرلەۋشىلەردىڭ باستى تالابى.
«ەرىتىلگەننەن كەيىن امپۋلالاردى 2-8 گرادۋس تەمپەراتۋرادا ساقتاۋعا بولادى. پرەپاراتتى جالپى العاندا 30 كۇنگە دەيىن سۋىق تىزبەكتى ساقتاي وتىرىپ قولدانۋعا بولادى، وسى ۋاقىت ىشىندە ول ءوزىنىڭ قاسيەتتەرىن ساقتايدى»، - دەپ تولىقتىردى ناريمان تابىنبايەۆ.
الماتى قدب باسشىسى بۇگىندە ۆاكسينانىڭ ءبىرىنشى كومپونەنتىن 983 267 ادام العانىن، ەكىنشى كومپونەنتىن 908 697 قالا تۇرعىنى سالدىرعانىن حابارلادى. ول كوروناۆيرۋسقا قارسى ۆاكسينالانۋ دەنساۋلىققا زياندى ءارى سوڭى ولىمگە اپاراتىن دەرتتەن قورعانۋدىڭ ەڭ ءتيىمدى جانە جالعىز ءادىسى ەكەنىن اتاپ ءوتتى.