الماتىدا كرەاتيۆتى كاسىپكەرلەرگە قارجىلاي قولداۋ كورسەتىلەدى. بۇگىندە مەگاپوليس ەكونوميكاسى دامۋىنىڭ درايۆەرى شيكىزات ونەركاسىبىنەن كرەاتيۆتى سەكتورعا اۋىسۋدا. ەكونوميكالىق ءوسۋدىڭ جاڭا سەنىمدى كوزىنە اينالىپ وتىرعان وسى سالا تۋرالى الماتىنىڭ كرەاتيۆتى يندۋستريا باسقارماسىنىڭ باسشىسى قايسار سارىبايەۆ ايتتى، دەپ حابارلايدى almaty-akshamy.kz
وڭىرلىك كوممۋنيكاسيالار قىزمەتى الاڭىندا ق. سارىبايەۆ كرەاتيۆتى وندىرىستەردىڭ ەكونوميكا ءۇشىن قۇندىلىعى ايقىن ەكەنىن باسا ايتتى.
«شىعارماشىلىق جانە نارىق. لوندون، نيۋ-يورك، توكيو، گونكونگ، بەرلين، بارسەلونا، ماسكەۋ وسى جولمەن جۇرەدى. كرەاتيۆتى ەكونوميكا شاعىن بيزنەس پەن جۇمىسپەن قامتۋعا ايتارلىقتاي مۇمكىندىكتەر ۇسىنادى. بۇل يكەمدى، جوباعا نەگىزدەلگەن، ءموبيلدى، جەكە داعدىلاردى قاجەت ەتەدى»، - دەدى باسقارما باسشىسى.
قايسار سارىبايەۆ اتاپ وتكەندەي، قازاقستاننىڭ جىو-دە كرەاتيۆتى يندۋستريانىڭ ۇلەسى الماتى قالاسىنا تيەسىلى - بارلىق جۇمىسپەن قامتىلعانداردىڭ 50%-دان استامى. ول مەملەكەت باسشىسى ەلدەگى كرەاتيۆتى ەكونوميكانىڭ ماڭىزدىلىعىنا باسا نازار اۋدارعانىن جانە وسى سالانى دامىتۋدا الماتى قالاسىنا قولداۋ كورسەتەتىنىن قوستى.
«كرەاتيۆتى كاسىپقويلار تەك كرەاتيۆتى يندۋستريادا عانا سۇرانىسقا يە ەمەس. كوپتەگەن ءداستۇرلى سالالاردىڭ باسەكەگە قابىلەتتىلىگى ولاردىڭ ونىمدىلىگىنە بايلانىستى. مەنىڭ ويىمشا، الماتى جاقىن ارادا جاڭا يندۋستريالار مەن يننوۆاسيالاردىڭ، «ءبىلىم ەكونوميكاسىنىڭ» ورتالىعىنا اينالادى دەپ ويلايمىن، سەبەبى جەرگىلىكتى اتقارۋشى ورگاندار كرەاتۆيتى بيزنەس-قوعامداستىق وكىلدەرىمەن جۇيەلى قارىم-قاتىناس ورناتۋعا مۇددەلى»، - دەپ جالعاستىردى ءسوزىن قايسار سارىبايەۆ.
كرەاتيۆتى يندۋستريانى دامىتۋدىڭ 2025 جىلعا دەيىنگى تۇجىرىمداماسىنىڭ جوباسى ازىرلەنىپ، كرەاتيۆتى سالاعا ارنالعان ەقجك-لار انىقتالدى. بۇگىندە كرەاتيۆتى كاسىپكەرلەرگە «Almaty Finance» جانە «الماتى مقۇ» ارقىلى، سونداي-اق «بيزنەستىڭ جول كارتاسى-2025» مەملەكەتتىك باعدارلاماسى بويىنشا قارجىلىق قولداۋ كورسەتىلەدى.
كرەاتيۆتى يندۋستريانىڭ زاماناۋي ينفراقۇرىلىمىن قالىپتاستىرۋ ءۇشىن بسقارما «Depo Evolution Park»قۇرۋدا جانە بۇرىنعى تەرگەۋ يزولياتورىنىڭ بازاسىندا كرەاتۆيتى يندۋستريا پاركىنىڭ جوباسىن ازىرلەۋدە.
«ءبىزدىڭ ۆەدومستۆو كاسىپكەرلەردى قۇرۋدى جانە قولداۋدى جالعاستىرادى، بۇل كرەاتيۆتى ادامدار مەن كوماندالارعا وزدەرىن ەكونوميكادا تەز جانە ءتيىمدى جۇزەگە اسىرۋعا مۇمكىندىك بەرەدى»، - دەدى قايرات سارىبايەۆ.
ءسوزىنىڭ سوڭىندا ول الماتىداعى كرەاتيۆتى يندۋستريالار قالانىڭ تۋريستىك تارتىمدىلىعىن ارتتىراتىنىن ايتتى.