قازاق ەلى ارقىلى كونتەينەرلىك تاسىمال ارتىپ كەلەدى

تاسىمالداۋ جاعى ارتۋدا

قازاقستان ارقىلى كونتەينەرلىك تاسىمال كولەمى ارتتى، دەپ حابارلايدى Almaty-akshamy.kz. 

بيىل 450 مىڭ كونتەينەر نارىققا جىبەرىلگەن. ناقتىراق سوڭعى 8 ايدا قىتايدان ەۋروپا باعىتىندا قازاقستان اۋماعىمەن وسىنشاما كولەمدە جۇك تاسىمالدانعان. ەۋرازيالىق دامۋ بانكى ساراپشىلارىنىڭ پىكىرىنشە، بۇل سەرىكتەس مەملەكەتتەردىڭ كولىك-لوگيستيكا سالاسىنداعى ءىس-قيمىلدارىنىڭ جۇيەگە قويىلعانىن كورسەتەدى. بۇل باعىت بويىنشا كونتەينەرلىك تاسىمالدىڭ باستى ارتىقشىلىعى – ۋاقىتىندا جۇك جەتكىزۋ. تاۋار ەۋروپاعا نەبارى ەكى اپتادا جەتەدى. ال تەڭىز جولدارىمەن بۇعان ءبىر ايدان اسا ۋاقىت قاجەت. وسى رەتتە قازاقستان اۋماعىمەن وتەتىن ورتالىق-ەۋرازيالىق كولىك دالىزىنە سۇرانىس جوعارى. پاندەميا قىزىپ تۇرعان 2020 جىلى ەۋرازيالىق ەكونوميكالىق وداق ەلدەرىنىڭ اۋماعىمەن تەمىرجول تاسىمالى 60% استام وسكەن.

الداعى ۋاقىتتا وداق ەلدەرى ارقىلى جۇك اعىنى كەم دەگەندە ءۇش ەسە ارتادى، دەپ ەسەپتەيدى ساراپشىلار. سەرىكتەس-مەملەكەتتەردىڭ تەمىرجول كومپانيالارىنىڭ بۇل سالاداعى تابىسىنىڭ جيىنتىق كولەمى جىلىنا 10 ملرد دوللارعا جەتۋى مۇمكىن.

ەادب ينتەگراسيالىق زەرتتەۋلەر ورتالىعىنىڭ جەتەكشىسى تاراس سۋكاريەۆ ترانزيتتىك كونتەينەر اعىمىن ارتتىرۋ كەرەكتىگىن ايتتى.

«فيتينگتىك پلاتفورمالار پاركىن جاڭارتىپ، ۇلعايتۋ قاجەت. بۇل ترانزيتتىك كونتەينەر اعىمىن ارتتىرۋعا جاعداي جاسايدى. مەنىڭشە، ەۋرازيالىق ەكونوميكالىق وداق ەلدەرىنە تۇركسىب سياقتى ەكىنشى مەگاجوبانىڭ قاجەتى جوق. تەك كولىك ينفراقۇرىلىمىنىڭ تار نۇكتەلەرىن كەڭەيتۋ جاعىن شەشۋ كەرەك»، - دەدى ول.