2023 جىلى شاھار ەكونوميكاسى 4،4%-كە وسەدى.
وسى جىلدىڭ 11 ايىندا الماتىعا 1،2 ترلن تەڭگەدەن استام ينۆەستيسيا تارتىلعان. بۇل تۋرالى الماتى اكىمى ەربولات دوسايەۆ قازاقستان پرەزيدەنتى قاسىم-جومار توقايەۆتىڭ قاتىسىۋىمەن وتكەن ۇكىمەت وتىرىسىندا ايتتى، دەپ حابارايدى اlmaty-akshamy.kz.
«الماتى تۇرعىندارىنىڭ ءومىر ءسۇرۋ ساپاسىن ودان ءارى جاقسارتۋ جانە الەۋمەتتىك، ينجەنەرلىك، كولىك ينفراقۇرىلىمىنا قاتىستى جۇيەلى ماسەلەلەردى شەشۋ ءۇشىن وسى جىلدىڭ قىركۇيەك ايىندا «الماتى قالاسىن 2025 جىلعا دەيىن دامىتۋ باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار» بەكىتىلدى. ءسىزدىڭ بەلسەندى قولداۋ كورسەتۋىڭىزدىڭ جانە قالا اكىمدىگى قابىلداعان شارالاردىڭ ارقاسىندا بيىلعى جىلدىڭ 11 ايىندا قىسقا مەرزىمدى ەكونوميكالىق ينديكاتور 6،2%-كە دەيىن جەدەلدەپ، وڭىرلەر اراسىندا الدىڭعى پوزيسيانى قامتاماسىز ەتتى.وڭدەۋ ونەركاسىبى ءوسۋ درايۆەرىنە اينالىپ، ءوسۋ قارقىنى بويىنشا ەلدە 1ء-شى ورىنعا شىقتى (+14،8%)»، - دەدى ەربولات دوسايەۆ ءوز سوزىندە.
ونىڭ ايتۋىنشا، جەكە ينۆەستيسيالاردىڭ 16%-كە وسۋىمەن ينۆەستيسيالىق بەلسەندىلىكتىڭ جوعارى دەڭگەيى قامتاماسىز ەتىلدى. وسى جىلدىڭ 11 ايىندا بارلىعى 1،2 ترلن. تەڭگەدەن استام ينۆەستيسيا (1248 ملرد.) تارتىلدى.
«بيىلعى جىلدىڭ باسىنان باستاپ بەلسەندى جۇمىس ىستەيتىن شاعىن جانە ورتا بيزنەس سۋبەكتىلەرىنىڭ سانى 38،5%-كە (285،6 مىڭعا دەيىن) ءوستى. شاعىن جانە ورتا بيزنەستىڭ 2،1 مىڭ جوباسىنا (94 ملرد. تەڭگە) قولداۋ كورسەتۋدىڭ ارقاسىندا 55،7 مىڭ جۇمىس ورنى قۇرىلدى، ونىڭ 70%ء-ى تۇراقتى جۇمىس ورىندارى. بۇل جۇمىسسىزدىق دەڭگەيىن 5،0%-كە دەيىن تومەندەتۋگە مۇمكىندىك بەردى.ءبىزدىڭ بولجامىمىز بويىنشا جوعارىدا اتالعان شارالار الماتى ەكونوميكاسىنىڭ 2022 جىلى 5،0%-كە دەيىن ءوسۋىن قامتاماسىز ەتەدى»، - دەدى قالا اكىمى.
2023 جىلى اكىمدىكتىڭ نەگىزگى مىندەتى الماتى قالاسىنىڭ دامۋ باعدارلاماسىنا سايكەس ەكونوميكانىڭ تۇراقتى ناعايۋىن قامتاماسىز ەتۋ بولماق.
«بۇل رەتتە، جوعارى تەحنولوگيالىق جانە «تازا» وندىرىستەردى، ءتۋريزمدى، IT-سەكتوردى جانە كرەاتيۆتى يندۋستريالاردى دامىتۋعا باسا نازار اۋدارىلاتىن بولادى. قالا ەكونوميكاسىن ودان ءارى ءارتاراپتاندىرۋ ءۇشىن ءسىز الماتى يندۋستريالىق ايماعىنىڭ اۋماعىن 189 گەكتارعا كەڭەيتۋ ماسەلەسىن قولدادىڭىز. 7 شاعىن ونەركاسىپ پاركىن ىسكە قوسۋ، كرەاتيۆتى يندۋستريالاردىڭ ۆەنچۋرلىق قورىن قۇرۋ، 40 ملرد. تەڭگە سوماسىنا باسىم باعىتتارداعى 2،6 مىڭعا جۋىق جوبانى قارجىلاندىرۋ جوسپارلانعان. جالپى، 1،5 ترلن. تەڭگە ينۆەستيسيا تارتىلادى. وسىنىڭ ارقاسىندا 2023 جىلى الماتى قالاسىنىڭ ەكونوميكاسى 4،4%-كە وسەدى»، - دەدى ەربولات دوسايەۆ.