الداعى كۇندەرى اۋا رايى جاۋىن-شاشىنسىز بولادى

قازاقستاننىڭ شىعىسىندا تۇندە 25-34 اياز بولادى. 

«قازگيدرومەت» ماماندارى 13-15 جەلتوقسان كۇندەرى اۋا رايىنىڭ قانداي بولاتىنىن بولجادى، دەپ حابارلايدى Almaty-akshamy.kz

سينوپتيكتەردىڭ بولجامى بويىنشا، الداعى ءۇش تاۋلىكتە قازاقستان اۋماعى ءالى دە انتيسيكلوننىڭ ىقپالىندا بولادى.

«انتيسيكلوننىڭ اسەرىنەن اۋا رايى نەگىزىنەن جاۋىن-شاشىنسىز بولادى، تەك رەسپۋبليكانىڭ باتىسىندا، شىعىسىندا، سولتۇستىك-شىعىسىندا اتموسفەرالىق فرونتالدى بولىكتەردىڭ وتۋىمەن، قار، جاياۋ بۇرقاسىن كۇتىلەدى. ەلىمىزدىڭ وڭتۇستىگى مەن باتىسىندا جەلدىڭ جىلدامدىعى 15-20 م/س كۇشەيۋى بولجانادى»، -  دەلىنگەن سينوپتيكتەردىڭ حابارلاماسىندا. 

اۋا تەمپەراتۋراسى ەلىمىزدىڭ سولتۇستىگىندە تۇندە 23-31 گرادۋسقا دەيىن اياز، كۇندىز 15-28 گرادۋسقا دەيىن اياز، ورتالىقتا تۇندە 18-33 گرادۋسقا دەيىن، كۇندىز 13-23 گرادۋسقا دەيىن اياز، شىعىستا تۇندە 25-34 گرادۋسقا دەيىن اياز، كۇندىز 20-30 گرادۋسقا دەيىن اياز، ال ەلىمىزدىڭ باتىسىندا تۇندە اياز 0-8 گرادۋسقا دەيىن، كۇندىز 5 گرادۋس ايازدان 5 گرادۋس جىلىعا دەيىن تومەندەيدى، قازاقستاننىڭ وڭتۇستىگى مەن وڭتۇستىك-شىعىسىندا كۇرت وزگەرىستەر كۇتىلمەيدى، تۇنگى اۋا تەمپەراتۋراسى 2-15 گرادۋس اياز بولادى، كۇندىز 7 گرادۋس اياز - 3 گرادۋس جىلىعا دەيىن ازداپ جوعارىلايدى.