الماتىدا تۇرعىنداردىڭ ساندىق جانە كومپيۋتەرلىك ساۋاتتىلىعىنىڭ دەڭگەيى وتە جوعارى. قىزمەتتەردىڭ 90%-دان استامى ەلەكتروندى فورماتتا كورسەتىلەدى، بۇل قالانىڭ SmartCity قاعيداتتارىنا ادالدىعىن ايقىندايدى. وسى جانە كرەاتيۆتى ءارى سيفرلىق تەحنولوگيالاردى دامىتۋ تۋرالى قالا اكىمى باقىتجان ساعىنتايەۆ ورتالىق كوممۋنيكاسيالار قىزمەتىنىڭ الاڭىندا ايتتى، دەپ حابارلايدى اlmaty-akshamy.kz
قالا باسشىسىنىڭ ايتۋىنشا، حالىقارالىق ساراپشىلاردىڭ باعالاۋىنا سايكەس، IDC الماتىنىڭ SmartCity رەتىندەگى سيفرلىق جەتىلۋ دەڭگەيى «كونيۋنكتۋرادان» «قايتالانۋعا» دەيىن 2017 جىلعى 1،7 بالدان 2021 جىلى 2،7 بالعا دەيىن ءوستى. ءوسىم ينستيتۋسيونالدىق نىعايتۋمەن جانە ينفراقۇرىلىمدىق سمارت-جوبالاردى ەنگىزۋمەن نەگىزدەلگەن. بۇگىندە «اقىلدى» جوبالار قالا تىرشىلىگىنىڭ بارلىق سالالارىنا ەنگىزىلۋدە.
«سەرگەك» جوباسىن ىسكە اسىرۋ جولدارداعى جكو سانى مەن ءولىم-جىتىمدى ازايتۋعا مۇمكىندىك بەردى. «اقىلدى باعدارشامدار» ترافيكتىڭ ورتاشا جىلدامدىعىن 15-20%-عا ارتتىرادى. BigData جانە جاساندى ينتەللەكت تالداۋ قۇرالدارىن قولدانۋ جاپپاي جينالاتىن ورىنداردىڭ مونيتورينگىن قامتاماسىز ەتۋگە مۇمكىندىك بەردى.
دەرەكتەرگە نەگىزدەلگەن باسقارۋ شەشىمدەرى ولاردى ۇتىمدى قولدانۋعا ىقپال ەتۋدە. تۇرعىندارمەن ءوزارا بايلانىس ارنالارى قۇرىلدى، «بيۋدجەتكە قاتىسۋ» سياقتى باعدارلامالار ەنگىزىلدى، قالا تۇرعىندارى قالالىق بيۋدجەتتەن قارجىلاندىرۋ ءۇشىن جوبالاردى وزدەرى انىقتايدى.
سونىمەن قاتار، قالادا وتكەن جىلدان بەرى Alatau Creative Hub – «الماتى-2050» ستراتەگياسى جانە «Creative Almaty» كىشى ستراتەگياسى اياسىندا قۇرىلعان جاڭا بۋىننىڭ كوپفۋنكسيونالدى كوۆوركينگ ورتالىعى جۇمىس ىستەيدى.
كرەاتيۆتى يندۋستريالاردى دامىتۋدىڭ «Creative Almaty» باعدارلاماسى 2019 جىلى قالا ەكونوميكاسىنىڭ قۇرىلىمدىق مانيەۆرى ماقساتىندا ازىرلەنگەن، 10 كرەاتيۆتى يندۋسترياعا نەگىزدەلگەن. ونىڭ ىشىندە كينو جانە انيماسيا، ادەبيەت، ءسان، جاڭا مەديا جانە ساندىق مادەنيەتتەر، تەاتر، وپەرا جانە بالەت، كيبەرسپورت جانە گەيمديەۆەلوپمەنت، ساۋلەت جانە ديزاين، مۋزىكا، قازىرگى زامانعى ونەر، ويىن-ساۋىق يندۋسترياسى.
كرەاتيۆتى حاب الاتاۋ اۋدانىندا «شەتسىز قالا» قاعيداتى بويىنشا قۇرىلعان، وندا تۇرعىندار تەگىن كوۆوركينگتە جۇمىس ىستەپ، تانىمال كاسىپقويلاردىڭ شەبەرلىك-ساباقتارىنا قاتىسا الادى. مۇندا 25 تەگىن ۇيىرمە جۇمىس ىستەيدى. ولاردىڭ اراسىندا اكتەرلىك شەبەرلىك، پىكىرتالاس كلۋبى، دومبىرا، جۋرناليستيكا، شەت تىلدەرىن ۇيرەنۋ.
ەكىنشى قاباتتا ستارتاپتار مەن IT-ينكۋباتورلارعا ارنالعان كەڭىستىكتەن تۇراتىن IT-زەرتحانا، باعدارلامالاۋ مەكتەبى، راديوەلەكترونيكا ورتالىعى، روبوتوتەحنيكا مەكتەبى بار. سونداي-اق، مۋلتيمەديالىق ءداستۇرلى مۋزىكا ورتالىعى جۇمىس جاساۋدا.
جالپى، حابتا تالانتتاردى ىزدەۋگە جانە ادامداردىڭ كرەاتيۆتى داعدىلارىن دامىتۋعا باعىتتالعان شوب كرەاتيۆتى جوبالارى ءۇشىن ورىندار ۇسىنىلادى. وسىنداي حابتاردى قۇرۋ قالانىڭ ءاربىر اۋدانىندا جوسپارلانۋدا.
كرەاتيۆتى يندۋستريالاردىڭ ەڭبەك ونىمدىلىگى وزگەلەردەن جوعارى، بۇل قالا ەكونوميكاسىنىڭ تۇراقتىلىعىنا وڭ اسەر ەتۋدە. بۇگىننىڭ وزىندە كرەاتيۆتى يندۋستريالار الماتى ەكونوميكاسىنىڭ شامامەن 1،7% ۇلەسىن الىپ وتىر. بۇل شامامەن 45 مىڭ ادام جۇمىسپەن قامتىلعان 17،8 مىڭ ۇيىم مەن جەكە كاسىپكەرلەر (بارلىق كاسىپورىنداردىڭ 8،8%). كورسەتىلگەن قىزمەتتەر كولەمى - 402،8 ملرد تەڭگە.
سيفرلاندىرۋ جانە كرەاتيۆتى يندۋستريا سالاسىنداعى درايۆەر جوبالار:
ءبىرىڭعاي دەرەكتەر قويماسى – ازامات 360 / سينگاپۋر مودەلى قاعيداتى بويىنشا وڭىرلىك دەرەكتەر قويماسى؛
ءبىرىڭعاي كوممۋنيكاسيالىق كەڭىستىك – بارلىق جوعارى وقۋ ورىندارىن، ات كومپانيالارىن ات تالانتتارىنىڭ اينالاسىنا بىرىكتىرەتىن پلاتفورما؛
قالا اۋداندارىنىڭ ەكونوميكالىق كلاستەرلەنۋى – كرەاتيۆتى يندۋستريالارعا نازار اۋدارا وتىرىپ، قالا تۇرعىندارىنىڭ كىرىستەرى/شىعىستارى كورسەتكىشتەرىنىڭ سەرپىنىن قاداعالاۋ كارتاسى؛
«Creative Class» ونلاين پلاتفورماسى - ءوز دارىنىنان تابىس تابۋعا، جاڭا باعىتتار مەن ارالاس ماماندىقتاردى زەردەلەۋگە ۇيرەتەتىن ءبىلىم بەرۋ پلاتفورماسى.
«Almaty Creative Accelerator – 2022» باعدارلاماسى – كرەاتيۆتى ەكونوميكا ستارتاپتارىنىڭ تاجىريبەگە باعىتتالعان باعدارلاماسى، وتەۋسىز نەگىزدە اكسەلەراسيادان ءوتۋ، كرەاتيۆتى يندۋستريا سالاسىندا بيزنەستى ۇيىمداستىرۋدىڭ الەمدىك ترەندتەرىن جاريالاۋ.
Almaty Tik Tok Fest – جاڭا سيفرلىق مەديانى دامىتۋعا، قازاقستاننىڭ تۋريستىك باعىتتارىن تانۋدى ارتتىرۋعا، نارىققا الەمدىك برەندتەردى تارتۋعا باعىتتالعان جوبا.
Almaty Cyber Games – قازاقستاندا سيفرلىق سپورت سالاسىن دامىتۋعا جانە تانىمال ەتۋگە باعىتتالعان ءىس-شارا.
«MARCON» فەستيۆالى – جەرگىلىكتى جانە حالىقارالىق دەڭگەيدەگى Digital – نارىقتىڭ جەتەكشى ويىنشىلارىنا ارنالعان كونتەنت-ماركەتينگ سالاسىنداعى كونفەرەنسيا.
سونداي-اق، قالادا كرەاتيۆتى كۆارتال قۇرىلاتىن بولادى، مۇندا كاسىپكەرلەردىڭ بيزنەس، شىعارماشىلىق يدەيالارىن جۇزەگە اسىرۋ ءۇشىن جاعداي جاسالادى.