«حالىق قاتىساتىن بيۋدجەت» باعدارلاماسى اياسىندا الماتى قالاسىنىڭ بوستاندىق اۋدانىندا «وربيتا 3» جانە «وربيتا 4» شاعىن اۋداندارىنداعى بالالار الاڭدارى رەتكە كەلتىرىلدى، اۋلالار اباتتاندىرىلدى، التى كوشەدە تەحنيكالىق تروتۋار توسەۋ جۇمىستارى جۇرگىزىلدى، دەپ حابارلايدى aqshamnews.kz
اباي̆ داڭعىلىندا ءبولۋ جولاعىن اباتتاندىرۋ اياقتالدى. جاڭعىرتۋ باي̆زاقوۆ كوشەسىنەن تۇرعىت ءوزال كوشەسىنە دەي̆ىنگى ۇزىندىعى 3 شاقىرىمعا جۋىق ۋچاسكەنى قامتىدى. جابىندىلار توسەلدى، اۆتوماتتى سۋارۋ ءجۇي̆ەسى، بەسەدكالار ورناتىلدى، سونىمەن قاتار جارىقتاندىرۋ تولىعىمەن جاڭاردى. بارلىق ۋرنالار، ورىندىقتار اۋىستىرىلدى، سونداي̆-اق قالا تۇرعىندارىنىڭ جاي̆لى دەمالۋىنا ارنالعان شاعىن ساۋلەت پىشىندەرى مەن اتكەنشەكتەر ورناتىلدى. كوگالدار تولىعىمەن جاڭارتىلدى، بۇتالار وتىرعىزىلدى.
حقب باعدارلاماسى بوي̆ىنشا بيىلعى جىلعا ارنالعان نەگىزگى باستامالاردىڭ قاتارىندا ساي̆ىن كوشەسىنەن كەكىلباي̆ۇلى كوشەسىنە دەي̆ىنگى ۋچاسكەنى قامتيتىن توراي̆عىروۆ كوشەسىن كەشەندى اباتتاندىرۋ بار. مۇندا جاياۋ جۇرگىنشىلەر اي̆ماعى مەن ۆەلوسيپەد جولىن جوندەۋ، جارىقتاندىرۋدى جاڭارتۋ، سونداي̆-اق بالالار مەن سپورت الاڭدارىن جاڭارتۋ جۇمىستارى جوسپارلانعان.
بۇدان باسقا، اۋماقتى كوگالداندىرۋ جانە سۋارمالى سۋ قۇبىرىن قالپىنا كەلتىرۋ جوسپارلانۋدا، بۇل قالانىڭ وسى بولىگىن قالا تۇرعىندارىنىڭ بەلسەندى دەمالىسى ءۇشىن نەعۇرلىم تارتىمدى جانە ىڭعاي̆لى ەتۋگە مۇمكىندىك بەرەدى.
«حالىق قاتىساتىن بيۋدجەت» باعدارلاماسىنىڭ ماڭىزدى بولىگى الماتىنىڭ جاسىل اي̆ماقتارىنىڭ جاعداي̆ىن ەداۋىر جاقسارتاتىن سۋارمالى سۋ قۇبىرلارىن سالۋ بوي̆ىنشا التى جاڭا جوبا بولماق.
سونداي̆-اق كەلەسى مەكەنجاي̆لار بوي̆ىنشا بالالار الاڭدارىن جوندەۋ جۇمىستارى قاراستىرىلعان: ماسانچي كوشەسى، 102، اباي̆ داڭعىلى، 34، كوكتەم-1 ش-ا، 1ا ءۇي̆ جانە بابايەۆ كوشەسى، 35.
اۋدان اكىمدىگىندە اتاپ وتكەندەي̆، ۇمبەتبايەۆ، اي̆مانوۆ جانە سولودوۆنيكوۆ كوشەلەرى دە نازاردان تىس قالماي̆دى. مۇندا اباتتاندىرۋ ەلەمەنتتەرى بار جاڭا سىرتقى جارىقتاندىرۋ جەلىلەرى سالىنادى، بۇل تۇرعىنداردىڭ كەشكى ۋاقىتتا قوزعالىس قاۋىپسىزدىگىن ارتتىرادى.
بارلىق نىسانداردى اعىمداعى جىلدىڭ سوڭىنا دەي̆ءىن اياقتاۋ جوسپارلانۋدا، دەپ اتاپ ءوتتى اۋدان اكىمدىگىندە.
ەسكە سالساق، الماتىدا قالا اكىمى ەربولات دوسايەۆتىڭ تاپسىرماسى بوي̆ىنشا حالىق قاتىساتىن بيۋدجەت باعدارلاماسىنىڭ ارقاسىندا قالالىق ينفراقۇرىلىمدى جاقسارتۋ جوبالارى بەلسەندى دامىپ كەلەدى، ونىڭ كومەگىمەن ءاربىر تۇرعىن ءوز اۋدانىن قاي̆تا قۇرۋعا تىكەلەي̆ قاتىسا الادى، بۇل قالانى جاي̆لى ءارى ءومىر سۇرۋگە جاعىمدى ەتەدى.