الماتىدا زاڭسىز ستاسيونارلىق ەمەس ساۋدا نىساندارىن (سەسن) جاپپاي بۇزۋ جۇمىستارى جالعاسۋدا.
وسىلايشا، قالانىڭ بوستاندىق اۋدانىندا فاست-فۋد ونىمدەرىن ساتاتىن دۇڭگىرشەكتەر مەن سيلومەرلەر بولشەكتەلدى، دەپ حابارلايدى aqshamnews.kz.
قالا باسشىسى ەربولات دوسايەۆتىڭ تاپسىرماسى بويىنشا الماتى قالاسى اكىمدىگىنىڭ باستاماسىمەن ءوز بەتىنشە ورناتىلعان سەسن جويۋ جونىندەگى ناۋقان اياسىندا 49 ستاسيونارلىق ەمەس ساۋدا نىساندارى مەن 59 سيلومەردى بۇزۋ جۇرگىزىلدى.
2025 جىلدىڭ اقپان ايىنىڭ باسىنان باستاپ الماتىنىڭ كاسىپكەرلىك جانە ينۆەستيسيالار باسقارماسىنىڭ جۇمىس توبىمەن بىرلەسىپ مەملەكەتتىك قوردىڭ جەرىندە ورنالاسقان 300-دەن استام زاڭسىز نىساندار بولشەكتەلدى. سونىمەن قاتار، تۇرعىنداردىڭ پىكىرىنشە،شۋ مەن قولايسىزدىقتى تۋدىراتىن 222 ويىن-ساۋىق اپپاراتتارى (سيلومەرلەر) الىنىپ تاستالدى.
قالا تۇرعىنى سۆەتلانا كوساريەۆا بۇل شارالاردى قولداپ، كوشەدەگى دۇڭگىرشەكتەر كوبىنەسە تۇسىنىكسىز جاعدايدا دايىندالعان زياندى تاعامداردى ساتاتىنىن، ال سيلومەرلەر قالانىڭ تىنىشتىعىن بۇزاتىن شۋلى كومپانيالار ءجيى باس قوساتىن ورىن ەكەنىن اتاپ ءوتتى.
قالعان 210 زاڭسىز سەسن بولشەكتەۋ جۇمىستارىن اعىمداعى جىلدىڭ 15 ناۋرىزىنا دەيىن اياقتاۋ جوسپارلانۋدا.
كوممۋنالدىق قىزمەتتەر وسى نىسانداردىڭ زاڭسىز قوسىلعان ينجەنەرلىك جەلىلەرىن ءوشىرۋدى جالعاستىرۋدا.