بۇگىن الماتىنىڭ وڭىرلىك كوممۋنيكاسيالار قىزمەتىنىڭ الاڭىندا حالىقارالىق ايەلدەر كۇنى قارساڭىندا ايەلدەر كاسىپكەرلىگىن دامىتۋعا ارنالعان باسپا ءسوز كونفەرەنسياسى ءوتتى.
ءىس-شاراعا جەتەكشى ىسكەر ايەل، قارجىگەرلەر مەن ينۆەستورلار قاتىستى، ولار بيزنەستەگى ارۋلار ءۇشىن نەگىزگى تەندەنسيالار مەن پەرسپەكتيۆالاردى تالقىلادى.
سپيكەرلەردىڭ ايتۋىنشا، قازاقستانداعى شاعىن جانە ورتا بيزنەستىڭ 48% -ى ايەلدەردىڭ باسقارۋىندا. سونىمەن قاتار، بولجام بويىنشا، الداعى جىلدارى ەلىمىزدە 2 ملن-عا جۋىق جاڭا مامان قاجەت بولادى جانە ولاردىڭ 25% -ى - ايەلدەردىڭ قاتىسۋىن ارتتىرۋ قاجەت بولاتىن جۇمىسشى ماماندىقتار.
Satbayev University بيزنەس-مەكتەبىنىڭ ديرەكتورى اقەركين ەرالييەۆا الماتىدا ايەلدەر it، فينتەح، ەكوتەحنولوگيا جانە الەۋمەتتىك كاسىپكەرلىكتى قوسا العاندا، يننوۆاسيالىق سالالاردى بەلسەندى يگەرىپ جاتقانىن اتاپ ءوتتى.
«ايەل كاسىپكەرلەر ءوز قابىلەتتەرىنە الدەقايدا سەنىمدى بولدى، كوشباسشىلىق قاسيەتتەرىن بەلسەندى دامىتىپ، قارجى جانە باسقارۋ سالاسىنداعى بىلىمدەرىن كەڭەيتۋدە. ولار سيفرلاندىرۋ جانە زاماناۋي تەحنولوگيالاردى وزدەرىنىڭ بيزنەس-پروسەستەرىنە بىرىكتىرۋ مۇمكىندىكتەرىن كوبىرەك پايدالانادى، بۇل ولارعا باسەكەلەستىك ارتىقشىلىق بەرەدى»، - دەپ اتاپ ءوتتى ول.
ول سونداي-اق مەملەكەتتىك قولداۋ مەن ارنايى باعدارلامالاردىڭ ماڭىزدىلىعىن اتاپ ءوتتى.
«الماتى ەلىمىزدىڭ ءىرى ەكونوميكالىق ورتالىعى رەتىندە كاسىپكەر ايەلدەرگە ءتۇرلى مەملەكەتتىك باعدارلامالارعا قول جەتكىزىپ قانا قويماي، جەڭىلدەتىلگەن نەسيەلەۋ مۇمكىندىكتەرىن دە ۇسىنادى. مىسالى، Halyk ايەلدەرگە ءتيىمدى شارتتارمەن قارجىلاندىرۋعا مۇمكىندىك بەرەدى»، - دەدى ا.ەرالييەۆا.
ۆەنچۋرلىك ينۆەستور جانە Dogovor 24 جوباسىنىڭ نەگىزىن قالاۋشى ەلەنا سەدىح ءوز كەزەگىندە الماتى ايەلدەرگە تەحنولوگيالىق سەكتوردى دامىتۋعا كەڭ مۇمكىندىكتەر بەرەتىنىن اتاپ ءوتتى.
«الماتى - باعدارلامالاۋ، جاساندى ينتەللەكت جانە روبوتوتەحنيكا بويىنشا ءبىلىم بەرۋ باعدارلامالارىنىڭ سانى ءوسىپ كەلە جاتقان قالا. بۇل ايەلدەرگە سۇرانىسقا يە داعدىلاردى يگەرۋگە جانە IT سالاسىندا مانساپ قۇرۋعا مۇمكىندىك بەرەدى»، - دەپ اتاپ ءوتتى ول.
ول تەحنولوگيالىق سالاداعى تابىستى ايەل ينۆەستورلاردىڭ سانى ارتىپ كەلە جاتقانىن اتاپ ءوتتى.
«سوڭعى جىلدارى بەلسەندى ايەل ينۆەستورلار پايدا بولا باستادى، بۇعان دەيىن بۇل وتە سيرەك كەزدەسەتىن قۇبىلىس بولاتىن. ازىرگە ولاردىڭ سانى از، ءبىراق بۇل العا جاسالعان ماڭىزدى قادام. ەگەر بەس جىل بۇرىن بۇل سالادا ايەلدەر بولماعان بولسا، بۇگىندە تابىستى ينۆەستورلاردىڭ العاشقى ۇلگىلەرى بار، بۇل جاڭا كوشباسشىلارعا جول اشادى»، - دەپ ءتۇسىندىردى ە.سەدىح.
«گلوبال ديەۆەلوپمەنت» ج ش س قارجى ديرەكتورى ەلميرا جاپاكوۆا قارجىلىق ساۋاتتىلىقتىڭ ماڭىزدىلىعىنا نازار اۋدارىپ، قارجىنى باسقارۋدىڭ نەگىزگى قاعيداتتارىمەن ءبولىستى
«قارجىلىق ساۋاتتىلىق-بۇل اقشا تۋرالى عانا ەمەس، سەنىمدىلىك پەن تاۋەلسىزدىك تۋرالى. ءاربىر ايەل بيۋدجەتتى باسقارا ءبىلۋى، اقشانى ۇنەمدەۋى جانە بولاشاق تۋرالى ويلاۋى كەرەك. بۇل رەتتە 50/30/20 ەرەجەسىن ساقتاۋ ماڭىزدى: كىرىستىڭ 50% — مىندەتتى شىعىستارعا، 30% — قالاعان ساتىپ الۋلارعا، 20% — جيناقتار مەن ينۆەستيسيالارعا. سوما از بولسا دا، كەيىنگە قالدىرۋ ادەتى ماڭىزدىراق»، — دەدى ول.
باسپا ءسوز كونفەرەنسياسىنا بيزنەسۆۋمەن سىمبات ارالبايەۆا دا قاتىستى. ونىڭ پىكىرىنشە، سۇلۋلىق پەن ليۋكس يندۋسترياسىنداعى ايەلدەر بيزنەسكە ەرەكشە ستيل بەرەدى.
«سۇلۋلىق پەن ليۋكس-بۇل جاي عانا تاۋار ەمەس، ءومىر سالتى، سەزىم، اسەر. بۇل كوبىنەسە بيزنەسكە جەكە ستيل بەرەتىن، جەكەلەندىرىلگەن ءتاسىل مەن قىزمەتتىڭ جوعارى دەڭگەيىنە باسا نازار اۋداراتىن ايەل ينۆەستورلار مەن قۇرىلتايشىلار»،-دەپ اتاپ ءوتتى ول.
ارالبايەۆا الماتىدا ايەلدەر كاسىپكەرلىگىنىڭ ارتقانىن اتاپ ءوتتى.
«بۇرىن ايەلدەر بيزنەسى «شاعىن» نەمەسە «ءۇي بيزنەسى» دەپ اتالاتىن بولسا، ءقازىر ءبىز مىقتى ارۋلار برەندتەرىن، ءىرى كومپانيالاردى جانە تابىستى وقيعالاردى كورىپ وتىرمىز. بۇل بيزنەستە گەندەرلىك شەكتىڭ جوقتىعىن دالەلدەيدى - تەك كاسىبيلىك پەن العا ىلگەرىلەۋ نيەتى عانا بار»، - دەدى ول.
باسپا ءسوز كونفەرەنسياسىنىڭ قورىتىندىسى بويىنشا سپيكەرلەر الماتىنىڭ ارۋلارى قالا ەكونوميكاسىندا ماڭىزدى ءرول اتقاراتىنىن اتاپ ءوتتى. ولار جاڭا سالالاردى بەلسەندى يگەرۋدە، تابىستى ستارتاپتار قۇرۋدا، تەحنولوگيالىق بيزنەس پەن ينۆەستيسيالارعا شىعۋدا. مەملەكەتتىك قولداۋ، ءبىلىم بەرۋ باعدارلامالارى مەن بيزنەس باستامالارى ولاردىڭ وسۋىنە ىقپال ەتەدى. سوڭىندا قاتىسۋشىلار ارۋلاردى الداعى مەرەكەمەن قۇتتىقتاپ، ولارعا سەنىمدىلىك، باتىلدىق جانە جاڭا جەتىستىكتەرگە شابىت تىلەدى.