الماتى قالاسى بوستاندىق اۋدانىنىڭ اكىمى التاي راحىمبەتوۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا باستى الەۋمەتتىك ماسەلەلەردى شەشۋ تۋرالى حابارلادى.
ول جەرگىلىكتى اتقارۋشى ورگانداردىڭ ءبىرىنشى كەزەكتەگى مىندەتى جاڭا جۇمىس ورىندارىن اشۋ ەكەنىن ايتتى، دەپ حابارلايدى Almaty-akshamy.kz
التاي راحىمبەتوۆ 2021 جىلدىڭ باسىندا 4 000 جۇمىس ورنىن اشۋ بويىنشا جىلدىق جوسپار بەلگىلەنگەنىن، قازىرگى كەزدە 66%-عا جۋىعىنىڭ ورىندالعانىن، 2 670 جۇمىس ورنىنىڭ اشىلعانىن ايتتى.
«جىل سوڭىنا دەيىن جوسپاردى 117،5% ورىنداپ، 4 699 جۇمىس ورنىن اشۋدى جوسپارلاپ وتىرمىز. اتاپ ايتقاندا، 1 230 جۇمىسشى قۇرىلىسقا جۇمىلدىرىلىپ، جاڭا كوممەرسيالىق نىساندارعا جۇمىسقا ورنالاسادى. ولار جاڭا تۇرعىن ءۇي كەشەندەرىنىڭ ءبىرىنشى قاباتتارىندا اشىلادى، سونداي-اق سپورتتىق، الەۋمەتتىك نىسانداردا، ەنەرگەتيكا مەن اباتتاندىرۋدا جۇمىس ورىندارى پايدا بولادى»، - دەدى التاي راحىمبەتوۆ.
ءبىرىنشى جارتىجىلدىقتا اتقارىلعان جۇمىستار تۋرالى ەسەپ بەرگەن بوستاندىق اۋدانىنىڭ اكىمى قالا تۇرعىندارىن قولداۋعا ءارى جۇمىسقا ورنالاستىرۋعا باعىتتالعان مەملەكەتتىك باعدارلامالاردى ىسكە اسىرۋ تۋرالى ايتتى.
«ەڭبەك» مەملەكەتتىك باعدارلاماسىن جۇزەگە اسىرۋ اياسىندا اۋداندا 2 802 ادام جۇمىسقا قابىلداندى. الەۋمەتتىك جۇمىس ورىندارىنا 184 الماتىلىق جىبەرىلدى. «جاستار تاجىريبەسى» باعدارلاماسى بويىنشا 171 ادام جۇمىسقا تۇردى، قوعامدىق جۇمىستارعا 1117 ادام جىبەرىلدى، اۋداننىڭ 1171 تۇرعىنى تۇراقتى جۇمىسقا ورنالاستىرىلدى»، – دەدى التاي راحىمبەتوۆ.