الماتىدا كوشە جارىعىن جاقسارتۋ جۇمىستارى جالعاسۋدا.
اتاپ ايتقاندا، بوستاندىق اۋدانىنىڭ 14 كوشەسىندە 110-نان استام شام اۋىستىرىلدى، دەپ حابارلايدى Almaty-akshamy.kz.
سوڭعى اپتادا قالا تۇرعىندارىنىڭ وتىنىشتەرىن ەسكەرە وتىرىپ، جاندوسوۆ، ميچۋرين، مينين، وتەپوۆ، ۆيتەبسك، ماسانچي، عابدۋللين، بۇقار جىراۋ، ماناس، ءال-فارابي داڭعىلى، برۋسيلوۆسكيي، تۇرعۇت وزال، مۇسىرەپوۆ، حودجانوۆ بۋلۆارلارى كوشەلەرىندەگى شامدار اۋىستىرىلدى.
ايتا كەتۋ كەرەك، جەرگىلىكتى ءوزىن-وزى باسقارۋدى ورتالىقسىزداندىرۋدىڭ ارقاسىندا جارىقتاندىرۋ جاعدايىن ايتارلىقتاي جاقسارتۋعا قولجەتتى.
2023 جىلدىڭ جەلتوقسان ايىنان باستاپ بوستاندىق اۋدانىندا 1200-دەن استام شام اۋىستىرىلدى، 900-گە جۋىق ءوتىنىم پىسىقتالدى. سونداي-اق، قوعامدىق كەڭىستىكتەردى اباتتاندىرۋ اياسىندا 117 شام ورناتىلدى، ال 80 اۋلانى اباتتاندىرۋ كەزىندە 917 شام باعاناسى اۋىستىرىلدى.
2024 جىلى «الماگۇل»، «وربيتا-1،2» ش/ا جانە تىلەندييەۆ كوشەسى بويىمەن «اكۆارەل» تك دەيىن شامدارى بار قوسىمشا 267 باعانا ورناتىلادى.
ەستەرىڭىزگە سالا كەتەيىك، قالا اۋداندارىنىڭ اكىمدىكتەرى ورتالىقسىزداندىرۋ اياسىندا «الماتى قالا جارىق» مكك-مەن جارىقتاندىرۋ جابدىقتارىنا قىزمەت كورسەتۋگە شارت جاساسۋدا. ناتيجەسىندە تەحنيكالىق قىزمەتكەرلەردىڭ شتات سانى ارتتى.
بۇعان دەيىن «اقج» قۇرىلىمىندا تەحنيكالىق قىزمەت كورسەتۋ ماماندارى بولماعان، ويتكەنى بۇل جۇمىستى جوسىقسىز جەكەشە ارىپتەس - ءۇش كومپانيادان تۇراتىن كونسورسيۋم-ABM- ۆuilding 2007، «ەلەكترورەمونت» ج ش س جانە «ABM-Project» ج ش س ورىنداعان. الايدا، «الماتى قالا جارىق» ءمجا شارتىنىڭ تالاپتارىن ورىنداماۋ جونىندەگى سوت تالقىلاۋلارىنا بايلانىستى جەرگىلىكتى جەرلەردە كوشەلەردى جارىقتاندىرۋ ماسەلەلەرىن ءوز بەتىنشە پىسىقتاۋعا ءماجبۇر.
ايتا كەتەيىك، «الماتى قالا جارىق» مكك ديسپەچەرلىك پۋنكتى 8771-718-24-39، 8771-718-24-56، 390-20-40، 390-20-60 نومىرلەرى بويىنشا تاۋلىك بويى وتىنىمدەردى قابىلداۋدى جۇزەگە اسىرادى.