قازاقستاندىقتار وڭتۇستىك كورەيادا تەگىن وقي الادى

ستۋدەنتتەرگە شاكىرتاقى بەرۋ تۋرالى دا مەموراندۋمعا قول قويىلدى.

قازاقستاندىق ستۋدەنتتەر وڭتۇستىك كورەيانىڭ ءتورت جەتەكشى ۋنيۆەرسيتەتىندە (Sungkyunkwan University، Kyung Hee University، Hanyang University، University of Seoul) ءبىلىم الا الادى، دەپ حابارلايدى Almaty-akshamy.kz

وڭتۇستىك كورەياعا جۇمىس ساپارى اياسىندا عىلىم جانە جوعارى ءبىلىم ءمينيسترى ساياسات نۇربەك سەۋل مەرى و سە حۋنمەن كەزدەستى.

بيىلدان باستاپ سەۋل قالاسىنىڭ اكىمدىگى قازاقستان ازاماتتارىنا جاساندى ينتەللەكت، روبوتوتەحنيكا، بيولوگيا، فينتەح/بلوكچەين سياقتى تەحنيكالىق جانە ينجەنەرلىك ماماندىقتار بويىنشا ماگيستراتۋرادا وقۋ ءۇشىن 5 ءبىلىم گرانتىن بولەدى.

سونداي-اق مينيستر ساياسات نۇربەك پەن كەنگيدو پروۆينسياسىنىڭ ءبىلىم باسقارماسىنىڭ باسشىسى يم تە حي مىرزانىڭ كەزدەسۋى ءوتتى.

كەزدەسۋ اياسىندا قازاقستان رەسپۋبليكاسى عىلىم جانە جوعارى ءبىلىم مينيسترلىگى مەن كەنگيدو پروۆينسياسىنىڭ ءبىلىم باسقارماسى اراسىندا پەداگوگيكالىق جوعارى وقۋ ورىندارىن بىتىرگەن قازاقستاندىق تۇلەكتەردى پروۆينسيالىق مەكتەپتەردە ورىس ءتىلىن وقىتۋ ءۇشىن وڭتۇستىك كورەياعا جىبەرۋ تۋرالى مەموراندۋمعا قول قويىلدى.