18 ناۋرىزدان باستاپ قۇمار ويىندارعا جانە ءباس تىگۋگە قاتىسۋعا دەربەس شەكتەۋگە ارنالعان ونلاين-سەرۆيس ىسكە قوسىلدى.
قازاقستاننىڭ تۋريزم جانە سپورت مينيسترلىگى قانشا ازاماتتىڭ ونلاين ويىن ويناۋعا تىيىم سالعانىن ايتتى، دەپ حابارلايدى Almaty-akshamy.kz
18 ناۋرىزدان باستاپ قازاقستان رەسپۋبليكاسىنىڭ ازاماتتارى مەن تۇرعىندارىن قۇمار ويىندارعا جانە ءباس تىگۋگە قاتىسۋعا دەربەس شەكتەۋگە ارنالعان ونلاين-سەرۆيس پيلوتتىق رەجيمدە ىسكە قوسىلدى.
وسى جىلعى 1 ساۋىردەگى جاعداي بويىنشا "eGov mobile" موبيلدىك قوسىمشاسى ارقىلى قىزمەتتى قازاقستاننىڭ 7 مىڭنان استام ازاماتتارى مەن رەزيدەنتتەرى پايدالاندى.
"ونلاين فورماتتاعى جاڭا قىزمەت قاعاز نۇسقاداعى جازباشا وتىنىشكە قاراعاندا وتىنىشتەردى وڭدەۋ مەرزىمىن ەداۋىر قىسقارتادى جانە قۇمار ويىندارعا قاتىسۋدان ءوزىن-وزى شەكتەۋ ءراسىمىن جەڭىلدەتەدى. بۇل بارلىق ازاماتقا، ەڭ الدىمەن قۇمار ويىندارمەن شەكتەن تىس اۋەستەنەتىن تۇلعالارعا بارلىق ليسەنزيالانعان ويىن مەكەمەلەرى مەن بۋكمەكەرلىك كەڭسەلەردىڭ زاڭدى سايتتارىنا كىرۋگە لەزدە توسقاۋىل قويۋعا مۇمكىندىك بەرەدى"، - دەدى تۋريزم جانە سپورت ءمينيسترىنىڭ ورىنباسارى ميراس تولەبايەۆ.
الەۋەتتى ءوتىنىش بەرۋشىلەردىڭ نازارىن قۇمار ويىندارعا جانە ءباس تىگۋگە قاتىسۋىن ءوز بەتىنشە باس تارتقىسى كەلەتىن تۇلعالار ءوتىنىشتى دەربەس ەسق پايدالانا وتىرىپ، وزدىگىمەن بەرۋى ءتيىس ەكەندىگىنە اۋدارامىز. ءوتىنىشتى ءۇشىنشى تۇلعالار بەرە المايدى.
پايدالانۋشىلارعا ىڭعايلى بولۋ ءۇشىن تۋريزم جانە سپورت مينيسترلىگى "ۇلتتىق اقپاراتتىق تەحنولوگيالار" اق-مەن بىرلەسىپ ەگجەي-تەگجەيلى بەينە نۇسقاۋلىق ازىرلەدى، ول "eGov mobile" ءموبيلدى قوسىمشاسىندا جانە تۋريزم جانە سپورت مينيسترلىگىنىڭ ينتەرنەت-رەسۋرسىندا قولجەتىمدى بولادى:
سونىمەن قاتار سيفرلىق سەرۆيسپەن قاتار ق ر ازاماتتارى مەن رەزيدەنتتەرى ءۇشىن قۇمار ويىندارعا جانە ءباس تىگۋگە قاتىسۋدان ءوزىن-وزى شەكتەۋ تۋرالى جازباشا ءوتىنىشتى (قاعاز نىساندا) ويىن بيزنەسىن ۇيىمداستىرۋشىلارى ارقىلى بەرۋ مۇمكىندىگى ساقتالادى.
قاعاز فورماتىندا قۇمار ويىندارعا جانە ءباس تىگۋگە قاتىسۋدان 3 مىڭنان استام ادام وزدەرىن شەكتەدى.