الماتى قالاسىنىڭ بوستاندىق اۋدانىندا ءتورت جىل ىشىندە 337 اۋلا جوندەلدى. اۋلا اۋماقتارىن رەتكە كەلتىرۋ بيىلعى جىلى دا جالعاسۋدا.
اۋدان اكىمى التاي راحىمبەتوۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا ايتىپ وتكەندەي، بيىل جۇزدەگەن اۋلالاردى جوندەۋ جوسپارلانعان، دەپ حابارلايدى Almaty-akshamy.kz
اكىمنىڭ ايتۋىنشا، بوستاندىق اۋدانىنىڭ 65 اۋلاسىندا جوندەۋ جۇمىستارى جۇرگىزىلۋدە. اتاپ ايتقاندا، كوكتەم، الماگۇل، وربيتا شاعىن اۋداندارىندا. وندا جاڭا جول جابىنى پايدا بولادى، سونداي-اق بارلىق قاۋىپسىزدىك شارالارى سايكەس كەلەتىن جاڭا بالالار الاڭدارى ورناتىلادى. بارلىعى 100 اۋلا اباتتاندىرىلادى. وتكەن جىلى ينۆەستورلاردى تارتۋ ەسەبىنەن اۋداندا 20 بالالار الاڭى اباتتاندىرىلدى.
«وسى جىلدىڭ 6 ايىندا ينۆەستورلاردى تارتۋ ەسەبىنەن 15 بالالار الاڭى جوندەلدى، جىل سوڭىنا دەيىن تاعى التى الاڭداعى جوندەۋ جۇمىستارىن اياقتاۋ جوسپارلانۋدا»، – دەدى التاي راحىمبەتوۆ.
جاڭا كەلبەتى مەن امبەباپتىعىنىڭ ارقاسىندا جەرگىلىكتى تۇرعىندار اۋلالاردا كوبىرەك ۋاقىت وتكىزە الادى. سونىمەن قاتار ۇلكەن الماتى اۋدانىنداعى ءال-فارابي داڭعىلىنداعى كوپىر استى كەڭىستىگى جوندەلەدى. سونداي-اق الماتى قالاسى اكىمدىگى مەن ق ر تۇڭعىش پرەزيدەنتى قورىنىڭ گۇلزارلارىنا بيىل جوندەۋ جۇمىستارى جۇرگىزىلەدى.
«بيۋدجەتكە قاتىسۋ» جوباسىن ىسكە اسىرۋ اياسىندا بيىل جالپى سوماسى 4،312 ملرد. تەڭگەگە 136 ءوتىنىم بەرىلدى، 49-نا رۇقسات بەرىلدى، 772،7 ملن تەڭگەگە 25ء-ى ماقۇلداندى.
التاي راحىمبەتوۆ ىسكە اسىپ جاتقان جوبالار تىزىمىندە اۋلالارداعى سەگىز بالالار مەن سپورت الاڭدارىن، بوس تۇرعان ەكى ۋچاسكەنى اباتتاندىرۋ، جۇمىس ىستەپ تۇرعان سەگىز نىساندى، ەكى شاعىن اۋدانداعى كوشە جارىعىن جوندەۋ، ەكى كوشەگە سۋ قۇبىرىن ورناتۋ، ءۇش جاياۋ جۇرگىنشىلەر وتكەلىندە مۇمكىندىگى شەكتەۋلى ادامدارعا ارنالعان كوتەرگىشتەر ورناتىلاتىنىن ايتتى. قازىرگى كەزدە 23 جوبا بويىنشا جۇمىستار باستالدى.