ماماندار تۇسىنىستىكپەن قاراۋدى سۇرايدى.
«الماتى سۋ» مكك-سى قالاداعى ءبىرقاتار شاعىناۋدان ءبىر كۇنگە سۋىق سۋدان اجىراتىلاتىنىن مالىمدەدى، دەپ حابارلايدى Almaty-akshamy.kz.
«8 ماۋسىمدا تۇنگى ساعات تۇنگى 01:00-دەن ساعات 22:00-گە دەيىن اقساي-4، اقساي-5، دوستىق، جەتىسۋ-1، جەتىسۋ-2، جەتىسۋ-3، جەتىسۋ-4، مامىر-1، مامىر-2، مامىر-4، مامىر-5، مامىر-6، مامىر-7 شاعىناۋداندارىنىڭ اۋماقتارىندا ورنالاسقان تۇرعىن ۇيلەرگە جانە وزگە دە عيماراتتارعا سۋىق سۋ بەرۋ توقتاتىلادى. الماتى قالاسى اۋەزوۆ اۋدانىن سۋمەن قامتاماسىز ەتۋ جەلىلەرىندەگى تەحنولوگيالىق قۇرىلعىلاردى اۋىستىرۋ ماقساتىندا، جۇمىستاردى ءقاۋىپسىز جۇرگىزۋ ءۇشىن، سۋىق سۋمەن جابدىقتاۋ قىزمەتى بويىنشا ۋاقىتشا شەكتەۋلەر ەنگىزىلەدى»، - دەلىنگەن حابارلامادا.
اتالعان مەكەمە ۋاقىتشا قولايسىزدىقتارعا تۇسىنىستىكپەن قاراۋدى سۇرايدى.