كونستيتۋسيانىڭ جاڭا نۇسقاسى قولداۋ تاپسا، وندا پرەزيدەنتتىڭ سەناتتى باقىلاۋ تەتىگى ازايادى.
ول ءۇشىن جوعارى پالاتانى جاساقتاۋ ءتارتىبى مەن ءبىرقاتار فۋنكسياسى وزگەرمەك. قازىرگى تاڭدا سەناتتاعى 49 دەپۋتاتتىڭ 34ء-ى وڭىرلەردەن، ياعني ءار وبلىستان ەكى وكىلدەن سايلانسا، 15 سەناتوردى پرەزيدەنت تاعايىندايدى، دەپ حابارلايدى Almaty-akshamy.kz
بۇل مەملەكەت باسشىسىنا زاڭ شىعارۋ پروسەسىن قاداعالاپ، تىكەلەي ىقپال ەتۋگە مۇمكىندىك بەرىپ كەلدى. ەندى كۆوتا 15-تەن 10-عا دەيىن قىسقارۋى مۇمكىن. وندا دا ونىڭ تەڭ جارتىسىن قازاقستان حالقى اسسامبلەياسى ۇسىنادى.