الماتى اكىمدىگى ەگدە جاستاعى ادامداردىڭ ءومىر ءسۇرۋ دەڭگەيى مەن ساپاسىن ارتتىرۋعا قامقورلىق جاسايدى. 2018 جىلدان باستاپ مەگاپوليستە «بەلسەندى ۇزاق ءومىر» ("اكتيۆنوە دولگولەتيە") جول كارتاسى جۇزەگە اسىرىلۋدا. جوبا اعا بۋىن وكىلدەرى اراسىندا ۇلكەن سۇرانىسقا يە. بەلسەندى ۇزاق ءومىر ءسۇرۋدىڭ 9 ورتالىعىندا قاتىسۋشىلار پىكىرلەستەرىن تابادى، ۋاقىتىن قىزىقتى وتكىزەدى، جاڭا نارسەنى ۇيرەنەدى. بۇل جۇمىس تۋرالى الماتى قالاسى الەۋمەتتىك ءال-اۋقات باسقارماسى باسشىسى ورىنباسارىنىڭ مىندەتىن اتقارۋشى جانىبەك قاراتايەۆ ايتىپ بەردى، دەپ حابارلايدى almaty-akshamy.kz
جانىبەك قاراتايەۆ اتاپ وتكەندەي، بۇل ورتالىقتار اعىلشىن ءتىلىن وقىپ، كومپيۋتەرلىك ساۋاتتىلىق كۋرستارىنان ءوتىپ، ەمدىك دەنە شىنىقتىرۋمەن، بيمەن جانە باسقامەن اينالىسۋعا مۇمكىندىك بەرەتىن دەمالىس مەكەمەلەرى بولىپ تابىلادى. ناتيجەسىندە قارت ادامداردىڭ قوعامدىق بەلسەندىلىگى ارتادى جانە ولاردىڭ پسيحيكالىق-ەموسيونالدى جاعدايى جاقسارادى.
«جول كارتاسىنىڭ ىرگەتاسى قالاداعى العاشقى بەلسەندى ۇزاق ءومىر ءسۇرۋ ورتالىعىنىڭ اشىلۋى بولدى. بۇگىندە قالادا توعىز بەلسەندى ۇزاق ءومىر ءسۇرۋ ورتالىعى قىزمەت كورسەتەدى، ياعني مۇنداي ورتالىقتار بارلىق اۋدانداردا جۇمىس ىستەيدى. ولارعا كۇن سايىن 1 مىڭنان استام ادام كەلەدى»، - دەدى الەۋمەتتىك ءال-اۋقات باسقارماسى باسشىسىنىڭ ورىنباسارى.
ونىڭ ايتۋىنشا، ورتالىقتا قارت ادامدارعا ءتۇرلى قىزمەتتەر مەن دەمالىس تۇرلەرى ۇسىنىلادى. بۇل - ومىرلىك تونۋس پەن دەنساۋلىقتى ساقتاۋ ءۇشىن دارىگەرلەردىڭ كەڭەستەرى، پسيحولوگتارمەن اڭگىمەلەر، كۋرستاردا وقىتۋ، دەنە شىنىقتىرۋ. زەينەتكەرلەر قولونەر، مۋزىكا جانە بي، قازاق جانە اعىلشىن ءتىلى ساباقتارىنا، كومپيۋتەرلىك كۋرستارعا قاتىسا الادى. ولاردى مۇراجايلارعا، تەاترلارعا، كورمەلەرگە، كينولارعا بارۋ ۇيىمداستىرىلىپ، مەرەكەلەر وتكىزىلەدى.
سونىمەن قاتار، زەينەتكەرلەر بوس ۋاقىتتارىندا شاحمات، ناردى، دومينو وينايدى، سۋرەت سالۋ، كەسكىندەمە جانە گرافيكا، وسىمدىك شارۋاشىلىعى، قولونەر، سونداي-اق جادىنى نىعايتۋ تەحنيكاسى بار. ورتالىقتارداعى بارلىق ءىس-شارالار سانيتارلىق-ەپيدەميولوگيالىق نورمالاردى ساقتاي وتىرىپ جۇرگىزىلەدى.
«شامامەن 13 500 قارت الماتىلىق ەمدىك يوگامەن، سكانديناۆيالىق جۇرىسپەن، ەدش اينالىسادى. بۇل قىزمەت ءتۇرى، اسىرەسە، زەينەتكەرلەر اراسىندا تانىمال. زەينەتكەرلەر كەڭەس الۋ ءۇشىن گەرونتولوگ، كەنەزيولوگ-پسيحولوگتارعا جۇگىنە الادى»، - دەدى جانىبەك قاراتايەۆ.
اشىلعان كۇننەن باستاپ قازىرگى ۋاقىتقا دەيىن ورتالىقتاردا 25 مىڭنان استام زەينەتكەر تىركەلگەن، 274 مىڭ قىزمەت كورسەتىلگەن.
الەۋمەتتىك ءال-اۋقات باسقارماسىنىڭ وكىلى جەرگىلىكتى اتقارۋشى ورگانداردىڭ قولداۋىمەن بيىل 500-دەن استام زەينەتكەر ءۇشىن ەسىك، قاپشاعاي قالالارىنا، وي-قاراعايعا، قاسكەلەڭ شاتقالىنا تۋريستىك ساپارلار ۇيىمداستىرىلعانىن ايتتى.
اعىمداعى جىلدىڭ شىلدە ايىنان باستاپ بەلسەندى ۇزاق ءومىر ءسۇرۋ ورتالىقتارىندا «قۇم ارت-تەراپيا» تەحنيكاسى كۋرسى جۇرگىزىلۋدە. بۇل پسيحوتەراپيا ادىستەرىنىڭ ءبىرى - ىشكى كەرنەۋدى جەڭىلدەتۋ ءادىسى. قارتتار ءۇشىن پسيحيكالىق-ەموسيونالدى جايلى ورتا جاساۋ. اتالعان كۋرسقا ەلۋدەن استام ەگدە ازاماتتار قاتىستى.