الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنا قاراستى بەلسەندى ۇزاق ءومىر ءسۇرۋ ورتالىعىنىڭ «بالۋان شولاق» بولىمشەسىندە «جانىم قايتا ءان سالدى» اتتى مۋزىكالىق-پوەتيكالىق كەش ءوتتى، - دەپ حابارلايدى Aqshamnews.kz.
ءىس-شارانىڭ ماقساتى – اعا بۋىن وكىلدەرىنىڭ شىعارماشىلىق الەۋەتىن دامىتۋ، الەۋمەتتىك ءوزارا بايلانىستى نىعايتۋ جانە يدەياسىن ناسيحاتتاۋ.
شىعارماشىلىق كەش جىلىلىققا، دوستىققا تولى اتموسفەرادا ءوتتى. باعدارلاما بارىسىندا اۋەزدى اندەر شىرقالىپ، جىرلار وقىلدى، ىزگى تىلەكتەر مەن مەرەكەلىك قۇتتىقتاۋلار ايتىلدى. قاتىسۋشىلاردىڭ ونەر كورسەتۋى كەشكە ەرەكشە ءسان بەرىپ، كوتەرىڭكى كوڭىل كۇي سىيلادى. جاندى اڭگىمە مەن رۋحاني قولداۋعا باسىمدىق بەرىلىپ، ءوزارا تۇسىنىستىك پەن قۇرمەتكە نەگىزدەلگەن ورتا قالىپتاستى.
مۋزىكالىق-پوەتيكالىق كەشتى بەلسەندى ۇزاق ءومىر ءسۇرۋ ورتالىعىنىڭ پسيحولوگى مەڭدىقۇلوۆا سايران سالىمگەرەي قىزى جۇرگىزدى. ورتالىقتىڭ قىزمەت الۋشىلارى ءىس-شاراعا بەلسەنە قاتىسىپ، ونەرىن پاش ەتىپ، شىعارماشىلىق جەتىستىكتەرى مەن ومىرلىك تاجىريبەلەرىن ورتاعا سالدى.
مۇنداي مادەني-رۋحاني باسقوسۋلار بەلسەندى ۇزاق ءومىر ءسۇرۋ ورتالىعى قىزمەتىنىڭ ماڭىزدى قۇرامداس بولىگى سانالادى. ولار ەگدە جاستاعى جانداردىڭ تۇرمىس ساپاسىن جاقسارتۋعا، شىعارماشىلىق قابىلەتىن شىڭداۋعا، ەموسيونالدىق جاي-كۇيىن نىعايتۋعا جانە قوعامدىق ومىرگە بەلسەندى ارالاسۋىنا مۇمكىندىك بەرەدى.
الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنا قاراستى بەلسەندى ۇزاق ءومىر ءسۇرۋ ورتالىعى اعا بۋىن وكىلدەرىن الەۋمەتتىك قولداۋ، پسيحولوگيالىق كومەك كورسەتۋ، سونداي-اق مادەني، ءبىلىم بەرۋ جانە شىعارماشىلىق باستامالارعا تارتۋعا باعىتتالعان باعدارلامالاردى جۇيەلى تۇردە ىسكە اسىرىپ كەلەدى. بۇل يگى ىستەر ەگدە جاستاعى ادامداردىڭ بەلسەندى ءارى ماعىنالى ءومىر سۇرۋىنە ىقپال ەتەدى.