"وميكرون" "دەلتا" شتامىنا قاراعاندا ەكى ەسە تەز تارالۋى مۇمكىن
وڭىرلىك كوممۋنيكاسيالار قىزمەتىنىڭ الاڭىندا وتكەن باسپا ءسوز كونفەرەنسياسى بارىسىندا جانداربەك بەكشين "وميكرون" شتامىمەن ينفەكسيا كەزىندەگى نەگىزگى سيمپتومداردى – ايقىن السىزدىك، دەنە قىزۋى، باس اۋرۋى، جوتەل جانە تابەتتىڭ تومەندەۋى، وكپەنىڭ جانە باسقا دا ورگانداردىڭ زاقىمدانۋىن اتادى.
ونىڭ ايتۋىنشا، جاڭا شتامم كەڭىنەن تارالعان جانە بۇگىندە ونى 52 ەلدەن جۇقتىرۋعا بولادى.
«الەمدەگى ەپيدەميولوگيالىق احۋال ناشارلاۋدا، قاتاڭ كارانتين رەجيمى ەنگىزىلۋدە. ددسۇ مالىمەتتەرى بويىنشا، جاستار، سونداي-اق بالالار ۆاكسينالانباعاندىقتان، "وميكروندى" ءجيى جۇقتىرادى. ءبىز ەلگە اكەلىنگەن جاعدايدا ينفەكسيانىڭ تارالۋىنا جول بەرمەۋ ءۇشىن شارالار قابىلداۋىمىز كەرەك. بىزگە 20-30 جاس ارالىعىنداعى جاستاردى ۆاكسينالاۋدى جەدەلدەتۋ، ريەۆاكسيناسيانى جالعاستىرۋ جانە الداعى مەرەكەلەردە بۇقارالىق ءىس-شارالاردى وتكىزۋدى شەكتەۋ قاجەت»، - دەپ ەسەپتەيدى ج. بەكشين.
ول "وميكرون" "دەلتاعا" قاراعاندا ەكى ەسە تەز تارالۋى مۇمكىن ەكەنىن ەسكە سالدى. سوندىقتان الماتىلىقتارعا قوعامدىق ورىندارعا ءجيى بارۋدى، اسىرەسە، دەمالىس جانە مەرەكە كۇندەرى ۆاكسينالانۋدى، بەتپەردە كيۋدى، ال جاڭا جىلدى وتباسىلىق ورتادا اتاپ ءوتۋدى ۇسىندى.
ج. بەكشين ق ر باس مەملەكەتتىك سانيتارلىق دارىگەرىنىڭ 20 قازانداعى №47 قاۋلىسىمەن سالتاناتتى، ەستەلىك، وتباسىلىق ءىس-شارالاردى (بانكەتتەر، ۇيلەنۋ تويلارى، مەرەيتويلار) Ashyq جوباسىنا قاتىسۋشى وبەكتىلەردە 50%-دان اسپايتىن، ءبىراق ءارقايسىسىندا «جاسىل» مارتەبەسى بار 100 ادامنان اسپايتىن تولتىرۋ كەزىندە وتكىزۋگە جول بەرىلەتىنىن ەسكە سالدى.
الايدا Ashyq جوباسىنا قاتىسپايتىن نىسانداردا ءىس-شارالار وتكىزۋگە تىيىم سالىنادى.