الماتىلىقتار كوبىنەسە كۆي-دى ساۋدا نىساندارى مەن قوعامدىق كولىكتەردە جۇقتىرادى

قالا تۇرعىندارىنىڭ COVID-19-دى ءجيى جۇقتىراتىن ورىندارى اتالدى

الماتىدا وتكەن تاۋلىكتە 55 ادام كوروناۆيرۋس دەرتىن جۇقتىرعان، ينفەكسيالىق ستاسيونارلاردا 225 پاسيەنت بار. بۇل مالىمەتتەردى قالانىڭ باس سانيتارلىق دارىگەرى جانداربەك بەكشين كەلتىردى، دەپ حابارلايدى Almaty-akshamy.kz
 

سونداي-اق، ول الماتىلىقتاردىڭ دەرتتى ءجيى جۇقتىراتىن جەرلەرىن اتاپ ءوتتى. اۋرۋ جۇقتىرعانداردىڭ 90%-ى ساۋدا وبەكتىلەرىندە (37،3%)، قوعامدىق كولىكتە – 22،2%، وتباسىلاردا – 19،3%، بازارلاردا – 11،2%. 
 
قالانىڭ باس سانيتارلىق دارىگەرى مەگاپوليستىڭ بارلىق تۇرعىندارى سانيتارلىق نورمالار مەن كارانتين تالاپتارىن ەلەمەي، قاۋىپسىزدىك شارالارىن ءتيىستى دەڭگەيدە ساقتامايتىنىن اتاپ ءوتتى. 
 
«قالاداعى ەپيدەميولوگيالىق احۋالدىڭ تۇراقتانۋىنا قاراماستان، مەن بارلىعىن، اسىرەسە، ەگدە جاستاعى ازاماتتاردى كوروناۆيرۋستىڭ كەز كەلگەن شتامىنان قورعاۋدى قامتاماسىز ەتۋ ءۇشىن تاعى دا ۆاكسينالانۋعا شاقىرامىن»، - دەدى الماتى قالاسىنىڭ باس سانيتارلىق دارىگەرى. 
 
سپيكەر قالاداعى بارلىق ۆاكسينالار ءتيىمدى، ءتىپتى ۆاكسينالانعان ادام اۋىرىپ قالسا دا، قالىپتاسقان يممۋندىق قورعانىس اۋرۋدىڭ جەڭىل ءوتۋىن قامتاماسىز ەتەدى جانە ادامن ولىمىنە جول بەرمەيدى دەپ قوستى.