الماتىلىقتاردى كوروناۆيرۋس دەرتى تومەندەگەن كەزدە ەكپە الۋعا جانە قايتا ۆاكسينالانۋعا شاقىردى

الماتىنىڭ باس سانيتارلىق دارىگەرى قالا تۇرعىندارىن ەكپە سالدىرۋعا، ريەۆاكسيناسيا جاساۋعا شاقىردى

الماتى قالاسىنىڭ باس سانيتارلىق دارىگەرى جانداربەك بەكشين وڭىرلىك كوممۋنيكاسيالار قىزمەتى الاڭىندا سويلەگەن سوزىندە دەرتتىڭ تومەندەۋى جانە ەپيداحۋالدىڭ تۇراقتانۋى تىنىشتانۋعا ءالى سەبەپ ەمەس ەكەنىن اتاپ ءوتتى. قالادا ينفەكسيانىڭ بەرىلۋ يندەكسى 5ء-شى كۇن ءوسىپ كەلەدى، بۇل ءبىر ناۋقاستان جۇقتىرۋدىڭ ارتقانىن كورسەتەدى، دەپ حابارلايدى Almaty-akshamy.kz 
 

ج. بەكشين "دەلتاعا" قاراعاندا جۇقپالىلىعى جوعارى "وميكرون" شتامىنىڭ اكەلىنۋى مەن تارالۋىن جوققا شىعارمايدى.

سانيتارلىق-ەپيدەميولوگيالىق ۆەدومستۆو باسشىسى ەپيدەميولوگيالىق احۋالدىڭ تۇراقتانۋى ۇجىمدىق يممۋنيتەتتىڭ قالىپتاسۋىنا بايلانىستى ەكەنىن اتاپ ءوتتى.

«ەكپەلەر دەرتتى ەداۋىر تومەندەتۋگە كومەكتەستى. كۆي-مەن جۇقتىرۋدىڭ تومەندەۋى ۆاكسينالانعان حالىقتىڭ 45%-ىنا جەتىپ، «قىزىلدان» «سارى» ايماققا وتكەننەن كەيىن باستالدى»، - دەدى ج. بەكشين.

ءارى قاراي ۇجىمدىق يممۋنيتەت 50%-عا جەتكەن كەزدە، اۋرۋ دەڭگەيى تومەندەي باستادى. بۇگىندە الماتىدا كۆي-گە قارسى ۇجىمدىق يممۋنيتەت 57،3%-دى (ۆاكسينالانعانداردىڭ 49،2%-ى جانە اۋىرىپ جازىلعان ادامداردىڭ 8،1%-ى) قۇرايدى.

الماتىنىڭ باس سانيتارلىق دارىگەرى قالا تۇرعىندارىن ەكپە سالدىرۋعا، ال العاشقى ۆاكسينالانۋدان وتكەندەرگە 6 نەمەسە 9 ايدان كەيىن ريەۆاكسيناسيا جاساۋعا شاقىردى.

مەگاپوليستىڭ باس سانيتارلىق دارىگەرى كوبىنەسە ينفەكسيانىڭ قوزدىرعىشى بولىپ تابىلاتىن بالالار مەن جاسوسپىرىمدەردى كوروناۆيرۋستان قورعاۋ ماڭىزدى دەپ سانايدى. ول سونداي-اق 60 جاستان اسقان ادامدارعا ءقاۋىپ توندىرەتىنىن ەسكە سالدى.

اتاپ وتەرلىگى، بۇگىندە دەرت جۇقتىرعان الماتىلىقتاردىڭ 98%-ى (136 863 ادام) - ۆاكسينالانباعاندار.