قالالىق پوليسيا دەپارتامەنتىنىڭ باستىعى ارىستانعاني زاپپاروۆ ب.اتىحان ۇلى اتىنداعى №36 مەكتەپ-گيمنازياسىنىڭ وقۋشىلارىن ءبىلىم كۇنىمەن قۇتتىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىرىنشى قىركۇيەك – كۇزدىڭ ەڭ مەيىرىمدى جانە ەڭ جارقىن مەرەكەلەرىنىڭ ءبىرى. ءبىرىنشى سىنىپ وقۋشىلارى ءۇشىن بۇل ومىردەگى جاڭا كەزەڭنىڭ باستالۋى، ءبىلىم مەن جەتىستىكتەر جولىنداعى العاشقى قادامدار. ولار ءۇشىن بۇگىن العاشقى قوڭىراۋمەن بىرگە قىزىقتى جاڭالىقتار مەن جارقىن اسەرلەرگە تولى جاڭا، ۇلكەن الەمنىڭ ەسىكتەرى ايقارا اشىلادى. جوعارى سىنىپ وقۋشىلارى ءۇشىن بۇل جاڭا بيىك ماقساتتار قويىپ، ولارعا قول جەتكىزۋ مۇمكىندىگى»، – دەدى ارىستانعاني زاپپاروۆ.
الماتى پوليسياسىنىڭ باسشىسى ءبىرىنشى سىنىپ وقۋشىلارى ءۇشىن قاۋىپسىزدىك بويىنشا العاشقى ساباق وتكىزدى.
«بالالار – ءبىزدىڭ بولاشاعىمىز، سوندىقتان ولاردىڭ ءومىرى مەن دەنساۋلىعىنا ەشتەڭە ءقاۋىپ توندىرمەۋى وتە ماڭىزدى. پوليسەيلەر تۇراقتى نەگىزدە مۇعالىمدەرمەن كەزدەسۋلەر وتكىزەدى، وندا مەكتەپ وقۋشىلارىنىڭ وقۋ پروسەسى كەزىندەگى قاۋىپسىزدىك ماسەلەلەرىن بىرلەسىپ شەشەدى. مۇنداي تىعىز جانە جاقسى ۇيلەستىرىلگەن ءوزارا ءىس-قيمىل، ءبىزدىڭ ويىمىزشا، بالالاردىڭ جول-كولىك جاراقاتىن ازايتۋعا جانە مەكتەپتەردەگى بالالاردىڭ قاۋىپسىزدىگىن قامتاماسىز ەتۋگە وتە ءتيىمدى»، – دەدى ارىستانعاني زاپپاروۆ.
سونىمەن قاتار الماتى قالالىق پد-نىڭ باسشىسى بالانى جاستايىنان ومىرگە جەتەلەپ، ونىڭ تۇلعاسىن قالىپتاستىرىپ، الەۋەتىن اشىپ، ماڭىزدى بىلىمدەرىن شاكىرتتەرىنە بەرىپ، سونداي-اق، ولاردى وتاندى سۇيۋگە، جاۋاپكەرشىلىك پەن ەڭبەكقورلىققا تاربيەلەيتىن ۇستازدارعا العىسىن ءبىلدىردى.