بۇل تۋرالى وكق بريفينگىندە الماتى اكىمى ەربولات دوسايەۆ مالىمدەدى. قالا باسشىسى جۋرناليستەرگە الەۋمەتتىك مەكەمەلەردە – ءبىرىنشى كەزەكتە مەكتەپ، بالاباقشا، ينتەرناتتاردا قاۋىپسىزدىكتى قامتاماسىز ەتۋ ءۇشىن قانداي الدىن الۋ شارالارى قولدانىلاتىنى تۋرالى ايتىپ بەردى.
"جىل سايىن الماتى قالاسىنىڭ تجد بارلىق اۋداندار بويىنشا ءبىلىم بەرۋ ۇيىمدارىنا جوسپارلى تەكسەرۋ جۇرگىزىلەدى. سوڭعى تەكسەرۋ 2023 جىلدىڭ كوكتەمىندە ءوتتى. زاڭبۇزۋشىلىقتار انىقتالعان جوق. بۇگىنگى تاڭدا قالانىڭ بارلىق مەكتەپتەرىندە ورتكە قارسى دابىل ورناتىلدى، ديرەكتورلاردىڭ بۇيرىعىمەن ورتكە قارسى قاۋىپسىزدىكتى ساقتاۋعا جاۋاپتى ادامدار تاعايىندالدى"، - دەپ تولىقتىردى ءسوزىن ەربولات دوسايەۆ.
قازىرگى ۋاقىتتا الماتىنىڭ 209 مەكتەبىندە، 186 بالاباقشاسى مەن 8 ينتەرناتىندا قاۋىپسىزدىكتىڭ كەشەندى جۇيەلەرىمەن قامتاماسىز ەتۋ بويىنشا جۇمىستار جۇرگىزىلۋدە: بارلىق بەينەباقىلاۋ كامەرالارىن جاڭارتۋ، پوليسيا دەپارتامەنتىنىڭ جەدەل باسقارۋ ورتالىعىمەن ينتەگراسيامەن دابىل تۇيمەلەرىن قوسۋ، تۋرنيكەتتەر مەن كۇزەت-ورت دابىلدارىن ورناتۋ. جۇمىستار بيىلعى جىلدىڭ جەلتوقسان ايىنىڭ سوڭىنا دەيىن اياقتالادى.