اعىمداعى جىلى الماتىدا قالا اكىمىنىڭ تاپسىرماسى بويىنشا 70 كوشەدە 25 كم جاڭا جول سالىندى جانە 200 كم جولعا ورتاشا جوندەۋ جۇرگىزىلدى. بۇل تۋرالى وكق بريفينگىندە ب ا ق سۇراقتارىنا جاۋاپ بەرگەن ەربولات دوسايەۆ مالىمدەدى. قالا باسشىسى 2024 جىلى قالانىڭ 8 شاعىن اۋدانىندا 70 كم جاڭا جول سالۋ جانە 250 كم جولدى ورتاشا جوندەۋمەن قامتۋ جوسپارلانعانىن ايتتى.
ەربولات دوسايەۆ ءجۋرناليستىڭ ءال-فارابي داڭعىلى مەن اباي داڭعىلىنداعى جول جابىنىن ورتاشا جوندەۋ تۋرالى سۇراعىنا دا جاۋاپ بەردى. "ءال-فارابي جانە اباي داڭعىلدارىندا جول جامىلعىسىن ورتاشا جوندەۋ جۇمىستارى جۇرگىزىلدى. جۇمىس ساپاسىنا شاعىمدار جوق. جوندەۋ اياقتالعاننان كەيىن كولىك اعىنى كوبەيدى". بۇعان دەيىن اعىمداعى جول جوندەۋ ماۋسىمىندا العاش رەت پوليمەرلەر قوسىلعان اسفالتبەتون قوسپاسى پايدالانىلعانى حابارلانعان بولاتىن. جول قۇرىلىسىندا پوليمەرلەردى پايدالانۋدىڭ ارتىقشىلىعى ونىڭ توزىمدىلىگى، سونداي-اق جول توسەمىنىڭ قىزمەت ەتۋ مەرزىمىن ۇزارتۋ، بەرىكتىكتى نىعايتۋ جانە اسفالتبەتون توسەمىنىڭ ايازعا توزىمدىلىگىن ارتتىرۋ بولىپ تابىلادى.
"2025 جىلى الماتى قالاسىندا جولداردىڭ بولماۋىنا بايلانىستى پروبلەمانى جاپقىمىز كەلەدى. بيىل 33 ملرد تەڭگە ءبولىندى، كەلەسى جىلى - 45 ملرد تەڭگە. كولىك ينفراقۇرىلىمىن دامىتۋ الماتى اكىمدىگى جۇمىسىنىڭ ماڭىزدى باسىمدىقتارىنىڭ ءبىرى بولىپ تابىلادى"، - دەدى ەربولات دوسايەۆ.
ايتا كەتەرلىگى، الماتى قالاسىنىڭ كوشە-جول جەلىسىنىڭ جالپى ۇزىندىعى 3097 كم قۇرايدى، ونىڭ ىشىندە اعىمداعى جىلدىڭ سوڭىندا 184 كم قاتتى جابىنسىز، ال جىل باسىندا 209 كم بولدى). دوسايەۆتىڭ ايتۋىنشا، وسىلايشا جول توسەمىنە قاتىستى ماسەلە جابىلادى دەپ جوسپارلانۋدا.