2024 جىلى اۋەزوۆ اۋدانىندا الەۋمەتتىك-ەكونوميكالىق دامۋدىڭ وڭ ديناميكاسى بايقالدى، دەپ حابارلادى قالا اكىمى ەربولات دوسايەۆ اۋدان تۇرعىندارىمەن كەزدەسۋدە، دەپ حابارلايدى aqshamnews.kz
قىسقا مەرزىمدى ەكونوميكالىق ينديكاتور بولشەك جانە كوتەرمە ساۋدا كولەمىنىڭ، سونداي-اق قۇرىلىس سالاسىنىڭ ءوسۋى ەسەبىنەن 9،7%-عا ارتتى.
اۋداننىڭ دامۋىنا 2023 جىلمەن سالىستىرعاندا 15% وسىممەن نەگىزگى كاپيتالعا 119،9 ملرد تەڭگە ينۆەستيسيا تارتىلدى.
ەكونوميكانىڭ نەگىزگى درايۆەرلەرىنىڭ ءبىرى شاعىن جانە ورتا بيزنەس بولىپ قالا بەرەدى. جۇمىس ىستەپ تۇرعان شوب سۋبەكتىلەرىنىڭ سانى 8،6% - عا ءوسىپ، 60 مىڭعا جەتتى، بۇل 7،7 مىڭنان استام جاڭا تۇراقتى جۇمىس ورنىن اشۋعا ىقپال ەتتى. 2024 جىلى سالىقتار مەن تولەمدەر 36،2% وسىممەن 296،9 ملرد تەڭگە ءتۇستى.
ەربولات دوسايەۆ اتاپ وتكەندەي، قالا اكىمدىگى اۋەزوۆ اۋدانىنىڭ دامۋىنا ەرەكشە كوڭىل بولەدى، سونىڭ ارقاسىندا اۋدان بيۋدجەتى 2024 جىلى 65% - عا جانە 2025 جىلى تاعى 25% - عا ۇلعايىپ، 53،7 ملرد تەڭگەگە جەتتى.
«بۇگىندە قالا جانە اۋدان اكىمدىكتەرى جۇمىسىنىڭ نەگىزگى باعىتتارى ينجەنەرلىك جانە الەۋمەتتىك ينفراقۇرىلىمدى جاڭعىرتۋ، اۋداندى ساپالى اباتتاندىرۋ جانە تۇرعىندارىمىزدىڭ ءومىر ءسۇرۋ ساپاسىن ارتتىرۋ بولىپ تابىلادى»، - دەپ تۇيىندەدى ءسوزىن الماتى اكىمى.