«تازا قازاقستان» رەسپۋبليكالىق ناۋقانى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا «الماتى – ب ا ق قالا» اكسياسى ءوتتى. اۋەزوۆ اۋدانىندا 5ء-شى شاعىن اۋداننىڭ سكۆەرىنە 400 كوشەت وتىرعىزىلدى.
ءىس-شاراعا جاستار، ارداگەرلەر، الەۋمەتتىك سالا، وتباسىن قولداۋ ورتالىعى، «ورلەۋ» الەۋمەتتىك كلۋبىنىڭ قىزمەتكەرلەرى قاتىستى. اۋەزوۆ اۋدانىنىڭ ارداگەرلەر كەڭەسىنىڭ ءتوراعاسى ءباتيما يبرايەۆا، قوعام قايراتكەرى، الماتى قالاسى ءماسليحاتىنىڭ بۇرىنعى دەپۋتاتى تولەۋعالي تايتولەيەۆ، سونداي-اق ن. ساس اتىنداعى تەاتردىڭ اكتريساسى، اۋەزوۆ اۋدانىنىڭ كوميۋنيتي ورتالىعىنىڭ باسشىسى جانە ت.ب. اعاش وتىرعىزدى.
«الماتى – ءبىزدىڭ ورتاق ءۇيىمىز!» ناۋقانى - بۇل قالانى جاڭعىرتۋدا تاماشا مۇمكىندىك، كوكتەم ءارقاشان تازارىپ، جاڭارىپ، كوركەيەتىن شاق. قىس بويى جينالعان قوقىس شاشىلىپ، كوشە مەن اۋلا جامان كورىنەدى. سوندىقتان بولاشاقتا وسىنداي ءىس-شارالاردى مىندەتتى تۇردە وتكىزىپ، تازالىققا اتسالىسامىز»، - دەدى ءباتيما يبرايەۆا.
كوشەتتەردى وتىرعىزۋمەن قاتار، بەلسەندىلەر قۇستارعا ارنالعان 30 قۇس ۇياسىن ورناتتى.
ەستەرىڭىزگە سالا كەتەيىك، اكسيا بارىسىندا 8 مىڭنان استام اعاش وتىرعىزىلدى، ونىڭ ىشىندە 4 مىڭنان استامى الما. «قاراعايلى ورمانى» ساياباعىنىڭ اۋماعىندا 500 الما جانە ورىك كوشەتى، «ALA» ساياباعىنىڭ اۋماعىندا 2270 كوشەت جانە بورالداي وزەنىنىڭ بويىنداعى باقىلاۋ الاڭىندا 1000-عا جۋىق كوشەت وتىرعىزىلدى.