«تازا قازاقستان» رەسپۋبليكالىق ناۋقانى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا «الماتى – باقشا قالاسى» اكسياسى ءوتتى.
بۇگىندە مەدەۋ اۋدانىنىڭ اۋماعىندا 470 اعاش وتىرعىزىلدى. سونىڭ ىشىندە 220 الما مەن 250 بۇتا بار. نەگىزگى ەكپە جۇمىستارى «ەسەنتاي»وزەنىنىڭ جاعاسى مەن شۋحوۆ اتىنداعى ساياباقتا ءوتتى.
بۇل ناۋقانعا 600-گە جۋىق ادام قاتىستى: جاستار، بەلسەندىلەر، قوعام قايراتكەرلەرى مەن قالا تۇرعىندارى بار.
ق ر ەڭبەك سىڭىرگەن قايراتكەرى ايدا ايۋپوۆا اپورت ءدامىن ەسىنە الاتىن الماتىلىقتار ءۇشىن الما اعاشتارىن وتىرعىزۋ ماڭىزدى ەكەنىن اتاپ ءوتتى.
«قالانى كوگالداندىرۋعا، اسىرەسە، الما اعاشتارىن وتىرعىزۋ ناۋقانىنا قاتىسقانىما قۋانىشتىمىن. ەسەنتاي وزەنىنىڭ بويىندا اعاش وتىرعىزۋعا قاتىستىم. ءبىزدىڭ قالامىزدىڭ گۇلدەنۋىنە، كوگالدانۋىنا ءارى بالا كەزىمىزدەن ەسىمىزدە قالعان اپورتىمىزدىڭ تىلەيمىن»، - دەدى ول.
ەستەرىڭىزگە سالا كەتەيىك، اكسيا بارىسىندا 8 مىڭنان استام اعاش وتىرعىزىلدى. سونىڭ ىشىندە 4 مىڭنان استام الما اعاشى. ال «قاراعاي ورمانى» ساياباعىنىڭ اۋماعىندا 500 الما مەن ورىك كوشەتتەرى، «ALA» ساياباعىنىڭ اۋماعىندا 2270 كوشەت جانە بورالداي وزەنىنىڭ بويىنداعى باقىلاۋ الاڭىندا مىڭعا جۋىق كوشەت وتىرعىزىلدى.