بۇگىن تاڭەرتەڭنەن جۇزدەگەن الماتىلىق جاسىل جەلەك، سونىڭ ىشىندە الما اعاشىن جاپپاي وتىرعىزۋعا شىقتى. اكسياعا ءبىرقاتار تانىمال الماتىلىقتار، سونىڭ ىشىندە انشىلەر، اكتەرلەر، سپورتشىلار، قوعام قايراتكەرلەرى مەن قۇرمەتتى قالا تۇرعىندارى قاتىستى.
"الاتاۋ" ءداستۇرلى ونەر تەاترىنىڭ اكتريساسى الما امانجولوۆا ءوزىنىڭ "جۇلدىزدى" ارىپتەستەرىمەن بىرگە الماتىنىڭ جاسىل بەلدەۋىن كوركەيتۋگە ءوز ۇلەسىن قوستى.
"ءالماتى-بىزدىڭ ورتاق ءۇيىمىز" ناۋقانى ءبىر ايعا جۋىق ۋاقىتقا سوزىلدى. ءبىز بۇگىن الاتاۋ اۋدانىندا، الما اعاشتارىن وتىرعىزاتىن ALA ساياباعىنىڭ اۋماعىندامىز. مەنىڭ ويىمشا، بۇل ءبىزدىڭ قالامىزدىڭ ەكولوگيالىق ورتاسىن ساقتاۋعا ۇلكەن ۇلەس قوسپاق"، - دەدى ا.امانجولوۆا.
شىعارماشىلىق زيالى قاۋىم وكىلى ونىڭ بارلىق ارىپتەستەرى ەكو-باستامانى ۇلكەن ىنتامەن قابىلداعانىن اتاپ ءوتتى.
«بىزدەر، ارتىستەر، تۋعان جەرىمىزگە دەگەن سۇيىسپەنشىلىگىمىزدى تەك ءان، بيمەن عانا ەمەس، وسىندا يگى شارالار ارقىلى دا ۇلەس قوسۋعا دايىنبىز. بولاشاقتا قولدان جاسالعان وسىنداي باقتا بارلىق جەرگىلىكتى تۇرعىندار، قالامىزدىڭ بالالارى سەرۋەندەپ، ومىردەن ءلاززات السا، كەرەمەت بولار ەدى. ءبىزدىڭ قالا تازا، جاسىل ءارى ەڭ ادەمى بولۋى كەرەك. مەن الماتىنىڭ جاسىل بەلدەۋىن قۇرۋعا قاتىسقانىما قۋانىشتىمىن"، - دەدى ول.
ەستەرىڭىزگە سالا كەتەيىك، اكسيا بارىسىندا 8 مىڭنان استام اعاش وتىرعىزىلدى. سونىڭ ىشىندە 4 مىڭنان استام الما اعاشى. ال "قاراعاي ورمانى" ساياباعىنىڭ اۋماعىندا 500 الما مەن ورىك كوشەتتەرى، "ALA" ساياباعىنىڭ اۋماعىندا 2270 كوشەت جانە بورالداي وزەنىنىڭ بويىنداعى باقىلاۋ الاڭىندا مىڭعا جۋىق كوشەت وتىرعىزىلدى.