اۋەزوۆ اۋدانىندا №86 ءۇي مەن اسكەري مەكتەپ اراسىندا ورنالاسقان پياتنيسكيي كوشەسىنىڭ بويىنداعى بوس اۋماقتى اباتتاندىرۋ جۇمىستارى اياقتالدى. ونى «سۇلتان قۇرىلىس» ج ش س مەردىگەرلىك ۇيىمى بيىلعى «حالىق قاتىساتىن بيۋدجەت» جوباسى اياسىندا جۇزەگە اسىردى. بۇل تۋرالى اۋەزوۆ اۋدانىنىڭ اكىمدىگى حابارلادى.
بۇرىندارى يەسىز، بوس جاتقان جەردە بۇگىندە زاماناۋي دەمالىس ايماعى پايدا بولدى. مۇندا وتباسىمەن سەرۋەندەۋگە، تىنىعۋعا بولادى. جاڭا نىساندا بالالار مەن سپورت الاڭدارى، جاياۋ جۇرگىنشى جولى مەن اڭگىمەلەسۋگە ارنالعان ايماقتار بار.
جاڭا دەمالىس ايماعىنا اسفالت توسەلگەن، زاماناۋي جارىق بەرۋ جۇيەسى ورناتىلىپ، جايلى ورىندىقتار قويىلعان. سەگىزدىك پىشىنىندە جاسالعان ۇزىندىعى 20 مەتر بولاتىن ەرەكشە ورىندىق كوز تارتادى. بالالارعا ارنالعان كەشەندە اتكەنشەكتەر بار، ال ويىن الاڭى ادەمى تۇردە كومكەرىلگەن. جاستار مەن ەرەسەكتەر ءۇشىن ۆوركاۋت، تارتان جابىنى بار ترەناجەر الاڭى جاسالعان.
اۋدان اكىمدىگى اتاپ وتكەندەي، اۋماقتى كوگالداندىرۋعا باسا نازار اۋدارىلعان. دەمالىس ايماعىنا اعاشتار مەن بۇتالار وتىرعىزىلدى، 800 بۇتادان تابيعي قورشاۋ جاسالدى، اۆتوماتتى سۋارۋ جۇيەسى ىسكە قوسىلدى.
جاڭا نىسان اشىق اۋادا سپورتپەن شۇعىلدانۋعا، وتباسىمەن بىرگە سەرۋەندەۋگە ارنالعان ىڭعايلى ءارى اباتتاندىرىلعان كەڭىستىككە اينالدى.