اۋەزوۆ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ جول-كولىك ينفراقۇرىلىمىن دامىتۋ جۇمىستارى تۋرالى ايتىپ بەردى، دەپ حابارلايدى اlmaty-akshamy.kz.
«ەگەر وتكەن جىلى اۋداننىڭ ۇزىندىعى 11،4 كم بولاتىن 12 كوشەسىنە ورتاشا جوندەۋ جۇرگىزىلسە، بيىلعى جىلى ۇزىندىعى 13،3 كم بولاتىن 18 كوشەگە ورتاشا جوندەۋ جۇمىستارى جۇرگىزىلىپ، جاندوسوۆ، وتەگەن باتىر، سەرەگين، اقجايناق، پياتنيسكيي، ترۋدوۆايا كوشەلەرىندە جۇمىستار باستالدى. اعىمداعى جوندەۋ اياسىندا اۋدان اكىمدىگى بۇگىنگى تاڭدا 30 مىڭ شارشى مەتر جول توسەمى مەن تروتۋارلاردى قالپىنا كەلتىردى، جىل سوڭىنا دەيىن تاعى 17 مىڭ شارشى مەتر قامتىلادى»، - دەپ حابارلادى مەگاپوليس باسشىسى.
سونداي-اق، اعىمداعى جىلدىڭ قازان ايىندا 5 جەر ءۇستى جاياۋ جۇرگىنشىلەر وتكەلىنە كۇردەلى جوندەۋ جۇمىستارى اياقتالادى.
جول-كولىك ينفراقۇرىلىمىن دامىتۋ شەڭبەرىندە قوعامدىق كولىك جۇمىسىنىڭ ساپاسىن ارتتىرۋ ماقساتىندا 2024 جىلى اۆتوبۋستار سانىن 343-تەن 416 بىرلىككە دەيىن ۇلعايتا وتىرىپ، 21 مارشرۋتتا جىلجىمالى قۇرام جاڭارتىلدى. جالپى، اۋەزوۆ اۋدانىنا 85 مارشرۋت قىزمەت كورسەتەدى، اۆتوبۋستاردىڭ جەلىگە جوسپارلى شىعۋى 1439 بىرلىكتى قۇرايدى، ورتاشا ارالىعى 8-9 مينۋت.