الماتى قالاسى اۋەزوۆ اۋدانىنىڭ اكىمى سايران سايفەدەنوۆ وڭىرلىك كوممۋنيكاسيالار قىزمەتىنىڭ بريفينگىندە اۋلالاردىڭ اباتتاندىرىلۋى مەن كوگالداندىرۋدىڭ قالاي جۇرگىزىلەتىنىن ايتتى.
سايران سايفەدەنوۆ اۋەزوۆ اۋدانىنىڭ اۋماعىندا 966 اۋلا بار ەكەنىن ايتتى. بۇگىندە ولاردىڭ 557ء-سى جوندەۋدەن ءوتتى، ال تاعى 16 اۋلاعا اعىمداعى جوندەۋ اياقتالىپ جاتىر، دەپ حابارلايدى Almaty-akshamy.kz
«№3 جانە 6 شاعىن اۋدانداردىڭ 73 اۋلاسىندا كۇردەلى جوندەۋ جۇمىستارى جۇرگىزىلۋدە، 10 اۋلادا كونكۋرستىق شارالار وتكىزىلۋدە. قالعان 191 اۋلانىڭ جوبالىق-سمەتالىق قۇجاتتارى ازىرلەندى»، - دەدى اۋەزوۆ اۋدانىنىڭ اكىمى.
سايران سايفەدەنوۆ جەكە سەكتور اۋماعىنداعى ۋچاسكەلەردىڭ جاقساراتىنىن ايتتى. مىسالى، التىن-بەسىك شاعىن اۋدانىندا انەت بابا كوشەسى مەن ترۋدوۆايا كوشەسى بويىندا بالالار مەن سپورت الاڭدارى جاسالادى، اۋماق اباتتاندىرىلادى، قيما تاستار توسەلەدى، LED-جارىقتاندىرۋ ورناتىلادى، ورىندىقتار مەن قوقىس جاشىكتەرى بولادى. قازىرگى كەزدە كونكۋرستىق شارالار وتكىزىلۋدە، ولار اياقتالعاننان كەيىن جۇمىس باستالادى.
اۋدان اكىمى 2021 جىلى «بيۋدجەتكە قاتىسۋ» جوباسىنىڭ جۇزەگە اسىرىلۋى تۋرالى دا ايتتى.
سايران سايفەدەنوۆ اتاپ وتكەندەي، قازىرگى ۋاقىتتا 7 قوعامدىق ورىندى اباتتاندىرۋ بويىنشا جۇمىستار جۇرگىزىلۋدە: سايىن-جۇبانوۆ كوپىرىنىڭ استىنداعى سپورت الاڭدارى، اقساي-3ا شاعىن اۋدانىنداعى جاياۋ جۇرگىنشىلەر ايماعى، №1 شاعىن اۋدانىنداعى №8 ءۇيدىڭ جانىنداعى بوس الاڭ، ياسساۋي مەن مومىش ۇلى اراسىنداعى تولە بي كوشەسىنىڭ بويىنداعى جاياۋ جۇرگىنشىلەر ايماعى، ياسساۋي كوشەسىندەگى جاياۋ جۇرگىنشىلەر ايماعى، تاستاق-1 شاعىن اۋدانىنداعى سپورت الاڭدارى مەن سايىن-شالياپين اۋماعى.
اۋقىمدى اباتتاندىرۋ جۇمىستارىنا كوگالداندىرۋ ماسەلەسى دە قوسىلادى. س. سايفەدەنوۆتىڭ ايتۋىنشا، بيىل اۋەزوۆ اۋدانىندا 1539 اعاش كوشەتى، 15،8 مىڭ بۇتا مەن بۇتا-تەرەكتەر ءوسىرىلدى. سونداي-اق، مەكەنجايدا 12 مىڭ شارشى مەتر گۇلزارلار وتىرعىزىلدى.
اكىم بارلىق جۇمىستىڭ اۋدان تۇرعىندارى كوتەرگەن ماسەلەلەرگە ساراپتاما جاساۋ نەگىزىندە ىسكە اساتىنىن اتاپ ءوتتى.