الماتى قالاسىنىڭ باس سانيتارلىق دارىگەرى جانداربەك بەكشين وڭىرلىك كوممۋنيكاسيالار قىزمەتىنىڭ بريفينگىندە سويلەگەن سوزىندە كۆي-دەن ۇجىمدىق يممۋنيتەتتى قالىپتاستىرۋ ءۇشىن مەگاپوليس تۇرعىندارىنىڭ يممۋندىق قاباتى جەتكىلىكسىز ەكەنىن ايتتى. 6 تامىزداعى مالىمەت بويىنشا، ول قالانىڭ رەسمي تۇرعىندار سانىنىڭ 41،1%-ىن قۇرادى.
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ايتۋىنشا، قالا تۇرعىندارىنىڭ ۆاكسينالانۋ كورسەتكىشى قازىرگى ۋاقىتتا كۇنىنە 7 مىڭنان استام ادامدى قۇرايدى، دەپ حابارلايدى Almaty-akshamy.kz
جانداربەك بەكشين سونىمەن بىرگە 1 جاسقا دەيىنگى بالالاردىڭ اۋرۋىنىڭ ءوسىپ جاتقانىن اتاپ ءوتتى. وتكەن اپتادا 224 بالا بولسا، وسى اپتادا 238 بالا تىركەلدى. 14 جاسقا دەيىنگى بالالاردا اۋرۋدىڭ تومەندەۋى بايقالادى - 878 بالا وتكەن اپتاداعى 1099-عا قارسى. جالپى العاندا، كۆي جاعدايى 20-40 جاس ارالىعىنداعى جاستاردا باسىم - 38%، 40-59 جاستاعى ازاماتتاردا - 25%جانە 60 جاستان اسقان ادامداردا - 20%. الماتىنىڭ باس سانيتارلىق دارىگەرى تۇرعىندار اراسىندا كۆي ينفەكسياسىن قاي ساناتتىڭ ءجيى جۇقتىراتىنىن ايتتى.
«وتكەن 7 كۇندە، الدىڭعى 7 كۇنمەن سالىستىرعاندا، ءوزىن-وزى جۇمىسپەن قامتىعاندار اراسىندا ينفەكسيا جۇقتىرعانداردىڭ ۇلەس سالماعى بۇرىنعىداي جوعارى - 41%، ءتۇرلى ج ش س، جك، اق قىزمەتكەرلەرى - 18،4%، زەينەتكەرلەر - 17،3%، سونداي-اق مەكتەپ وقۋشىلارى اراسىندا - 9،2% جانە مەكتەپكە دەيىنگى بالالار - 6،0%. حالىقتىڭ اتالعان ساناتتارى كۆي-مەن اۋىراتىنداردىڭ جالپى سانىنىڭ 92%-ىن قۇرايدى، وعان پروفيلاكتيكالىق ءىس-شارالار باعىتتالۋى ءتيىس»، - دەدى جانداربەك بەكشين.