الماتى اكىمى اۋەزوۆ اۋدانىنداعى اۋلالاردى اباتتاندىرۋ تۋرالى ايتتى.
الماتىنىڭ اۋەزوۆ اۋدانىندا بيىل 120 اۋلا جوندەلەدى. بۇل تۋرالى اۋەزوۆ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ مالىمدەدى، دەپ حابارلايدى اlmaty-akshamy.kz.
مەگاپوليس باسشىسى اتاپ وتكەندەي، 120 اۋلانىڭ 23 - ءى كۇردەلى جوندەۋ اياسىندا اباتتاندىرىلادى، قالعان 97 – ىنە اعىمداعى جوندەۋ جۇمىستارى جۇرگىزىلەدى. بۇل ماقساتتارعا 2،09 ملرد تەڭگە ءبولىندى. جۇمىستار ءقازىردىڭ وزىندە باستالىپ، اعىمداعى جىلدىڭ سوڭىنا دەيىن اياقتالادى.
كۇردەلى جوندەۋ اياسىندا سپورتتىق جانە بالالار ويىن الاڭدارى جاڭعىرتىلىپ، ورىندىقتارى مەن ءتيىستى قۇرىلعىلارى بار دەمالىس ايماقتارى جابدىقتالادى.
اۋلالاردى اباتتاندىرۋ «الماتىباسجوسپار» عىلىمي-زەرتتەۋ ينستيتۋتى ازىرلەپ، بەكىتىلگەن ادىستەمە بويىنشا جۇرگىزىلەدى.
اۋەزوۆ اۋدانى حالىق سانى مەن كوپقاباتتى تۇرعىن ۇيلەر سانى بويىنشا ەڭ ءىرى اۋدانداردىڭ ءبىرى بولىپ تابىلادى. وسىعان بايلانىستى اۋلالاردى اباتتاندىرۋ جانە جاڭعىرتۋ-باسىم ماسەلەلەردىڭ ءبىرى. وتكەن، 2023 جىلى اۋدان اكىمى ەربولات دوسايەۆتىڭ تاپسىرماسى بويىنشا 150-دەن استام اۋلاعا جوندەۋ جۇمىستارى جۇرگىزىلدى.