الماتىنىڭ اۋەزوۆ اۋدانىندا بوس تۇرعان ۋچاسكەدە «حالىق قاتىساتىن بيۋدجەت» جوباسى اياسىندا جاڭا قوعامدىق كەڭىستىك سالىنادى. بۇل تۋرالى اۋەزوۆ اۋدانىنىڭ تۇرعىندارىمەن كەزدەسۋدە قالا باسشىسى ەربولات دوسايەۆ مالىمدەدى، دەپ حابارلايدى almaty-akshamy.kz
قابدولوۆ كوشەسى بويىمەن ساين كوشەسىنەن وتەگەن باتىر كوشەسىنە دەيىن جالپى ۇزىندىعى 1،5 كم جاڭا جاياۋ-سەرۋەندەۋ ايماعى پايدا بولادى. مۇندا تروتۋار ايماعى اباتتاندىرىلىپ، بالالار مەن سپورت الاڭىنا ورىندىقتار مەن ۋرنالار قويىلادى. قۇرىلىس وسى جىلدىڭ قازان ايىندا اياقتالادى.
اۋەزوۆ اۋدانىندا «حالىق قاتىساتىن بيۋدجەت» جوباسى اياسىندا بيىل جالپى سوماسى 2،8 ملرد تەڭگەگە 57 جوبا ىسكە اسادى. اتاپ ايتقاندا، 100-دەن استام ءۇيدى قامتيتىن 10 قوعامدىق كەڭىستىك پەن 47 اۋلا اۋماعى جابدىقتالادى.
جالپى بيىل الماتىدا «حالىق قاتىساتىن بيۋدجەت» جوباسىنا 18،8 ملرد تەڭگە ءبولىندى. بۇل وتكەن جىلمەن سالىستىرعاندا 5،8 ملرد تەڭگەگە ارتىق. قالا تۇرعىندارى اۋلالارىن، قوعامدىق كەڭىستىكتەرىن اباتتاندىرىپ، سپورت پەن ويىن الاڭىن قۇرۋ بويىنشا 364 جوبانى ۇسىنۋعا جانە ىسكە اسىرۋعا مۇمكىندىك الدى.