وسى اپتادا قالامىزدا بولعان ماڭىزدى جاڭالىقتارعا شولۋ.
مۇقاعاليدى قورلاعان بلوگەر
الىشەر تەمەنوۆكە قاتىستى الماتىداعى ناۋرىزباي اۋداندىق سوتىندا ءىس قارالىپ جاتىر. بلوگەردىڭ ۇستىنەن مۇقاعالي ماقاتايەۆتىڭ ۇلى جۇلدىز ماقاتايەۆ شاعىم تۇسىرگەن. ول تەمەنوۆكە قاتىستى قىلمىستىق كودەكستىڭ 131-بابى 2-تارماعى "قورلاۋ" فاكتىسى بويىنشا قىلمىستىق ءىس قوزعاۋدى سۇراعان. قىلمىستىق ءىستى الماتىنىڭ ناۋرىزباي اۋداندىق سوتىندا سۋديا بەينەگۇل قايسينا قارادى.
"مەن كۇيزەلىسكە ءتۇستىم، ءبىزدىڭ اتىمىزعا نۇقسان كەلتىردى، مورالدىق شىعىن كەلتىردى. 10 ملن تەڭگە مورالدىق شىعىن وتەسىن. جەلىدە كەشىرىم سۇراسىن. ارى قاراي كورەمىز"، - دەدى جۇلدىز ماقاتايەۆ سوتتا.
فۋتبول ويناعان پوليسەيلەر
ق ر قورعانىس مينيسترلىگىنىڭ "سسكا" ستاديونىندا ۇلى وتان سوعىسىنداعى جەڭىستىڭ 80 جىلدىعى مەن كەڭەس وداعىنىڭ باتىرى ءاليا مولداعۇلوۆانىڭ 100 جىلدىعىنا وراي وتكەن تۋرنيرگە قالالىق پوليسيا دەپارتامەنتىنىڭ ءتۇرلى بولىمشەلەرىنەن قۇرالعان 17 كوماندا، ياعني 204 پوليسيا قىزمەتكەرى قاتىستى.
تۋرنير قورىتىندىسى بويىنشا جەڭىس تۇعىرىنان جقاج كومانداسى كورىندى. ولار وزدەرىنىڭ مىقتى دايىندىعى مەن توزىمدىلىگىن دالەلدەدى. ەكىنشى ورىندى اۋەزوۆ اۋداندىق پوليسيا باسقارماسى يەلەنسە، ءۇشىنشى ورىن المالى اۋداندىق پوليسيا باسقارماسىنا بۇيىردى.
الماتىلىق جاستار العاشقى جەكە كۋالىكتەرىن الدى
مامىر مەرەكەلەرى قارساڭىندا الماتى قالاسىنىڭ كوشى-قون قىزمەتى “ازاماتتارعا ارنالعان ۇكىمەت” مەملەكەتتىك مەكەمەسى جانە جەتىسۋ اۋدانى اكىمدىگىمەن بىرلەسىپ، 16 جاستاعى قالا تۇرعىندارىنا العاشقى جەكە كۋالىكتەردى سالتاناتتى تۇردە تابىستاۋ ءراسىمىن ۇيىمداستىردى.
1704 مەترلىك لاعمان
قازاقستان حالقىنىڭ بىرلىگى كۇنى الماتىنىڭ جەتىسۋ اۋدانىندا بىرەگەي ءىس-شارا ءوتتى. اينابۇلاق شاعىن اۋدانىنداعى №4 مامانداندىرىلعان بالالار-جاسوسپىرىمدەر سپورت مەكتەبىندە ەل تاريحىنداعى ەڭ ۇزىن - 1704 مەتر بولاتىن لاعمان دايىندالدى جانە بۇل فاكت قازاقستاننىڭ رەكوردتار كىتابىندا رەسمي تىركەلدى.
بۇل جەتىستىك جاي عانا گاسترونوميالىق وقيعا ەمەس، كوپۇلتتى قوعامداعى بىرلىك پەن كەلىسىمنىڭ ناعىز سيمۆولىنا اينالدى. 19 كەلى ۇننان قامىر يلەندى، ال 50 - دەن استام قاتىسۋشى - اسپازدار مەن اۋدان تۇرعىندارىنىڭ كۇشىمەن تاعام ەكى ساعاتتىڭ ىشىندە دايىندالدى. ءتۇرلى ەتنوستاردىڭ وكىلدەرى ورتاق قازاقستاندىق داستارحان ءۇشىن بىرلىك رۋحىن كورسەتىپ، بىرلەسىپ جۇمىس ىستەدى.
«بىرلىگى جاراسقان الماتى»
الماتىدا قازاقستان حالقى اسسامبلەياسىنىڭ 30 جىلدىعىنا وراي قازاقستان حالقىنىڭ بىرلىگى كۇنى كەڭ كولەمدە اتالىپ ءوتتى. باستى ءىس-شارا اباي اتىنداعى الاڭدا، رەسپۋبليكا سارايىنىڭ الدىندا ۇيىمداستىرىلىپ، مىڭداعان قالا تۇرعىنى مەن قوناعى جينالدى. كۇننىڭ باستى وقيعالارىنىڭ ءبىرى - 11.00-دەن باستالىپ، 21.00-گە دەيىن سوزىلاتىن كونسەرت. مەرەكەگە قالا اكىمى ەربولات دوسايەۆ قاتىستى.
ساحناداعى اتموسفەرانى قازاقستاندىق ەسترادا جۇلدىزدارى – L Duo دۋەتى، پيانيست Ratovich ، «دەرۆيشي» جانە Madein KZ توپتارى جانە باسقالار جاسادى. كونسەرتتىڭ حەدلاينەرلەرى ق ر حالىق ءارتىسى روزا رىمبايەۆا مەن باشقۇرتستاننان كەلگەن Ay Yola توبى بولدى.
جارمەڭكەدە 400 توننا ەت پەن كوكونىس ساتىلادى
الماتى مەن الماتى وبلىسىنىڭ فەرمەرلەرى مەگاپوليستەگى دەمالىس كۇندەرى وتەتىن جارمەڭكەدە حالىققا 900 تونناعا دەيىن ازىق-تۇلىك تاۋارلارىن ساتۋدى جوسپارلاپ وتىر. ولاردىڭ ىشىندە: 400 توننا كوكونىستەر مەن جەمىستەر (كارتوپ، ءسابىز، پياز، قىرىققابات، قىزىلشا، قيار، قىزاناق، الما، شالعام، سارىمساق)، 390 توننا ەت (سيىر ەتى، قوي ەتى، جىلقى ەتى، شوشقا ەتى، تاۋىق ەتى)، 50 توننا ءسۇت ونىمدەرى (ءسۇت، ايران، قايماق،سۇزبە، ماي، ىرىمشىك)، 30 توننا ازىق-تۇلىك (قانت، تۇز، كۇرىش، قاراقۇمىق، ءمۇيىز، ۇن) جانە 30 توننا جۇمىرتقا، شۇجىق جانە بال.
جارمەڭكەلەر 3 جانە 4 مامىردا (سەنبى جانە جەكسەنبى) ساعات 09:00-دەن 18:00-گە دەيىن قالانىڭ ءتورت اۋدانىندا وتەدى:
قاسقاباسوۆتىڭ قاسقا جولى
الماتى جۇرتشىلىعى بەلگىلى ادەبيەتتانۋشى، فولكلورتانۋشى عالىم، ق ر مەملەكەتتىك سىيلىعىنىڭ لاۋرەاتى، ۇلتتىق عىلىم اكادەمياسىنىڭ اكادەميگى، فيلولوگيا عىلىمدارىنىڭ دوكتورى سەيىت قاسقاباسوۆتى اقتىق ساپارعا شىعارىپ سالدى.
سەيىت قاسقاباسوۆ سانالى عۇمىرىن ۇلتتىق ادەبيەتتى زەرتتەپ، عىلىمنىڭ دامۋىنا ۇلەس قوسىپ، جۇزدەگەن شاكىرت تاربيەلەگەن اكادەميك، قازاق ادەبيەتى مەن فولكلورتانۋ عىلىمىندا تەرەڭ ءىز قالدىرعان بىرەگەي عالىم.
جازدىڭ ءسانى – سۋبۇرقاق
1 مامىردان باستاپ الماتىدا سۋبۇرقاقتار ماۋسىمى رەسمي تۇردە باستالادى. ولار كۇن سايىن ساعات 08:00-دەن 23:00-گە دەيىن جۇمىس ىستەيدى. ولاردىڭ جۇمىسى 1 قازانعا دەيىن سوزىلادى. بۇل رەتتە، قولدانىستاعى ەرەجەلەرگە سايكەس +5°C تومەن تەمپەراتۋرادا سۋبۇرقاقتاردى پايدالانۋعا تىيىم سالىنادى. وسى ماۋسىمدا 56 كوممۋنالدىق سۋبۇرقاق كەشەنى ىسكە قوسىلادى، ونىڭ 11ء-ى «قۇرعاق».
ساقتانساڭ، ساقتارمىن!
30 ءساۋىر كۇنى ساعات 11:00-دە الماتى قالاسىندا سيرەنالار قوسىلدى، جالپىقالالىق جوسپارلى سەيسميكالىق جاتتىعۋ وتكىزىلدى.
«بارشانىڭ نازارىنا!!!» دىبىستىق سيگنالى – بۇل توتەنشە جاعداي ءقاۋپى نەمەسە تۋىنداعان جاعدايدا حالىقتىڭ نازارىن اۋدارۋ ءۇشىن بەرىلەتىن ەسكەرتۋ سيگنالى.