قازاقستانداعى ايەلدەر سانى 10 381 377، بۇل ەلىمىزدەگى جالپى حالىق سانىنىڭ 51،1%.
سوڭعى ون جىلدا ايەلدەر سانى 15،2% ءوستى. ايەلدەردىڭ 64،4% قالالاردا، 35،6% – اۋىلدىق جەرلەردە تۇرادى، دەپ حابارلايدى aqshamnews.kz
— ايەلدەر سانى بويىنشا وڭىرلەر اراسىندا الماتى الدا كەلەدى — 1،2 ملن ايەل. ەكىنشى ورىندا تۇركىستان وبلىسى — 1 ملن ايەل، ال ءۇشىنشى ورىندا 803 مىڭ ارۋى بار استانا، — دەلىنگەن ۇلتتىق ستاتيستيكا بيۋروسىنىڭ مالىمەتىندە.
سوڭعى ون جىلدا ايەلدەر سانىنىڭ ەڭ جوعارى ءوسىمى ەلوردادا بايقالعان — 82،1%. الماتىدا قىز-كەلىنشەكتەر سانى 37،5%، ماڭعىستاۋ وبلىسىندا 32،5% وسكەن.
جاس قۇرامى بويىنشا ايەلدەردىڭ 3،3 ملن 18 جاسقا دەيىنگى جاستا، 18-60 جاس ارالىعىنداعىلاردىڭ سانى 5،3 ملن جانە 60 جاستان اسقان اپالار سانى 1،7 ملن قازاقستانداعى ايەلدەردىڭ ورتاشا جاسى 34،1 جاس.
بۇگىنگى تاڭدا 4،4 ملن ايەل ءارتۇرلى سالالاردا جۇمىس ىستەيدى، ولاردىڭ باسىم بولىگى ءبىلىم بەرۋ، ساۋدا جانە دەنساۋلىق ساقتاۋ سالالارىندا ەڭبەكتەنەدى.