الماتىدا تۇركەبايەۆ كوشەسىندە 30 جىل بويى پايدالانىلعان ماگيسترالدىق جەلىلەردى قايتا جاڭارتۋ اياقتالىپ كەلەدى
الماتى اكىمى ەربولات دوسايەۆ المالى اۋدانىنىڭ تۇرعىندارىمەن كەزدەسۋدە ينجەنەرلىك جەلىلەردى جاڭعىرتۋ بويىنشا جۇرگىزىلىپ جاتقان جۇمىستارعا توقتالدى، دەپ حابارلايدى aqshamnews.kz
- جىل باسىنان بەرى اۋداننىڭ 10 كوشەسىندە 3،5 كم سۋمەن جابدىقتاۋ جانە سۋ بۇرۋ جەلىلەرى جاڭارتىلدى. بيىل قاراشاعا دەيىن ۇزىندىعى 5،3 كم بولاتىن تاعى 11 كوشەدە جۇمىستى اياقتاۋ جوسپارلانعان. جوبا اۋداننىڭ 770 ءۇيى مەن 4،5 مىڭ تۇرعىنىن قامتيدى.
- قالا باسشىسىنىڭ تاپسىرماسىمەن بيىل تامىز ايىندا تولە بي كوشەسى، 280 مەكەنجايى بويىنشا سورعى بەكەتىن قايتا جاڭارتۋ باستالدى. بۇل جۇمىس وسى جىلدىڭ قازان ايىندا بىتەدى دەپ جوسپارلانىپ وتىر، سونىڭ ناتيجەسىندە 1،5 مىڭ ابونەنت ساپالى سۋمەن قامتاماسىز ەتىلەدى.
- اۋداننىڭ 2،6 مىڭ تۇرعىنىن جىلۋمەن ساپالى قامتاماسىز ەتۋ ءۇشىن تۇركەبايەۆ كوشەسىندە 30 جىلدان استام پايدالانىلعان ماگيسترالدىق جەلىلەردى قايتا جاڭارتۋ جۇمىستارى قولعا الىندى. جۇمىس جىلىتۋ ماۋسىمى باستالعانعا دەيىن اياقتالادى.
بيىل الماتىدا جالپى ۇزىندىعى 20 كم بولاتىن 23 نىساندى قايتا جاڭارتۋ كوزدەلگەن، بۇل جىل سايىنعى كورسەتكىشتەن ەكى ەسە كوپ. بۇل جىلۋ شىعىنىن، سونداي-اق جەلىلەردىڭ توزۋىن شامامەن 1،8% تومەندەتۋگە مۇمكىندىك بەرەدى. وسى جىلى الماتىدا جىلۋمەن جابدىقتاۋ جەلىلەرى 57،9% توزعان.