الماتىنىڭ المالى اۋدانىندا ەلەكتر جەلىلەرىن جاڭارتۋ ءۇشىن قانداي جۇمىستار قولعا الىندى
الماتى اكىمى ەربولات دوسايەۆ المالى اۋدانىنىڭ تۇرعىندارىمەن كەزدەسۋدە ەلەكتر جەلىلەرىن قايتا قۇرۋدىڭ ناتيجەسى مەن جوسپارىن ايتتى، دەپ حابارلايدى aqshamnews.kz
قالا باسشىسى بۇگىندە اۋداننىڭ ەلەكتر جەلىلەرىنىڭ 60%-دان استامى توزعانىن اتاپ ءوتتى. بۇل تۇراقتى تۇردە اپاتتىق وشۋگە اكەلەدى. ايتا كەتۋ كەرەك، بىلتىر اۋداننىڭ ەلەكتر جەلىلەرىنىڭ توزۋى 20%-عا تومەندەدى. 2023 جىلى توزۋ دەڭگەيى 80% بولعان.
- بيىل «اجك» اق رايىمبەك – ناۋرىزباي باتىر – مامەتوۆا – سەيفۋللين كوشەلەرىنىڭ اۋماعىندا 1،3 كم ەلەكتر بەرۋ جەلىلەرىن قايتا جاڭارتىلدى.
- سونداي-اق، جامبىل – اۋەزوۆ – اباي – روزىباكييەۆ كوشەلەرىنىڭ اۋماعىندا تاعى 6،4 كم ەلەكترمەن جابدىقتاۋ جەلىلەرىن قايتا جاڭارتىلىپ، سالىنىپ جاتىر. جۇمىستى وسى جىلدىڭ قازان ايىنىڭ سوڭىنا دەيىن اياقتاۋ جوسپارلانىپ وتىر.
- بيىل ساپالى كوشە جارىعىمەن قامتاماسىز ەتۋ ءۇشىن 38 كوشەدە 21 كم ەسكى كابەل جەلىلەرى جاڭعىرتىلىپ، 2،5 مىڭنان استام شام اۋىستىرىلدى.
2024 جىلدىڭ سوڭىنا دەيىن تاعى 2،4 مىڭ شامدى جاڭعىرتىپ، 19 كم كابەل جەلىسىن اۋىستىرۋ جوسپارلانعان. 2024 جىلى اۋداننىڭ سىرتقى جارىقتاندىرۋىن جاڭعىرتۋعا جانە ونى كۇتىپ-ۇستاۋعا 1،3 ملرد تەڭگە ءبولىندى.
الماتىدا بارلىعى 4،8 مىڭ كم سىرتقى جارىقتاندىرۋ جەلىلەرى بار. 2024 جىلى ساپالى جارىقتاندىرۋدى قامتاماسىز ەتۋگە اۋدان اكىمدىگى 9،9 ملرد تەڭگە بولگەن. قابىلدانىپ جاتقان شارالاردىڭ ارقاسىندا مەگاپوليستە ساپالى سىرتقى جارىقتاندىرۋمەن قامتاماسىز ەتۋ 2024 جىلى 85%-عا جانە 2025 جىلى 100%-عا جەتەدى.