المالى اۋدانىنىڭ توعىز مەكتەبىندە ورىن تاپشىلىعى بايقالادى
اۋداندا بارلىعى 29 مەملەكەتتىك مەكتەپ بار، ولاردىڭ توعىزىندا عانا وقۋشى ورنى جەتىسپەيدى. بۇل تۋرالى الماتىداعى المالى اۋدانىنىڭ اكىمى ەرجان سەيتەنوۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا مالىمدەدى، دەپ حابارلايدى Almaty-akshamy.kz
«بيىل №144 مەكتەپ-گيمنازياعا 300 ورىندىق جاپسارجاي قۇرىلىسىنىڭ، №34 گيمنازيانىڭ 600 ورىندىق قوسالقى نىسانىنىڭ قۇرىلىسى اياقتالعان كەزدە ورىن تاپشىلىعى ازايادى»، - دەپ حابارلادى اۋدان اكىمى.
اۋداندا №54 مەكتەپ عيماراتىنىڭ سەيسموتۇراقتىلىعىن كۇشەيتۋ بويىنشا كۇردەلى جوندەۋ اياقتالدى، №128، 95 جانە 144 مەكتەپتەردە سالىنعان سپورت كەشەندەرى جۇمىس ىستەيدى.
№90،67،34 مەكتەپتەردەگى سپورت الاڭدارىن جاڭعىرتۋ بويىنشا جۇمىستار جالعاستىرىلدى. جىل سوڭىنا دەيىن №16 بالاباقشا عيماراتىن سەيسميكالىق نىعايتۋ بويىنشا كۇردەلى جوندەۋدى اياقتاۋ جوسپارلانۋدا، سونداي-اق №7 بالاباقشاعا كۇردەلى جوندەۋ جۇرگىزىلۋدە. بيىل اۋداندا ەكى جەكەمەنشىك بالاباقشا اشىلدى.