الماتىنىڭ المالى اۋدانىندا 2021 جىلى 64 اۋلا اباتتاندىرىلىپ، 12 ءۇيدىڭ قاسبەتى وزگەردى
المالى اۋدانىندا سوڭعى جىلدارى 764 اۋلا قايتا جاڭعىرتىلدى: اسفالت اۋىستىرىلدى، بالالار الاڭدارى ورناتىلدى، جاياۋ جۇرگىنشىلەر جولدارى توسەلدى جانە تۇرعىندارعا ىڭعايلى بولۋ ءۇشىن ءبىرقاتار وزگەرىستەر ەنگىزىلدى. بۇل تۋرالى الماتى وڭىرلىك كوممۋنيكاسيالار قىزمەتىنىڭ بريفينگىندە المالى اۋدانىنىڭ اكىمى ەرجان سەيتەنوۆ مالىمدەدى، دەپ حابارلايدى Almaty-akshamy.kz
ە. سەيتەنوۆ اۋدانداعى اۋلا الاڭدارىنىڭ 95%-ى جاڭارتىلعان نەمەسە جاڭادان سالىنعانىن ايتتى. ايتا كەتسەك، المالى اۋدانىنىڭ نەگىزگى بولىگىن 206 باسقارۋ ورگاندارى قىزمەت كورسەتەتىن 1395 ۇيدەن تۇراتىن كوپ پاتەرلى تۇرعىن ءۇي قورى الىپ جاتىر. بيىل 460 كوپ قاباتتى ءۇيدىڭ تۇرعىندارى ادەتتەگى پيك-تەن كەتىپ، ءۇيدى باسقارۋ ارقىلى جاڭا فورماتقا كوشتى.
اۋدان اكىمى اۋداندا «نۇرلى جەر» تۇرعىن ءۇيدى جاڭعىرتۋ باعدارلاماسى تابىستى جۇزەگە اسىرىلىپ جاتقانىن حابارلادى.
«بيىل 39 كوپ پاتەرلى ءۇيدىڭ تۇرعىندارى 105 ليفت جابدىقتارىن جاڭارتتى جانە 10 تۇرعىن ءۇي باعدارلاما بويىنشا ۇيلەردىڭ شاتىرىن، قاسبەتىن جانە ينجەنەرلىك جەلىلەرىن جوندەدى»، - دەدى ە. سەيتەنوۆ.
سونىمەن قاتار، اۋداندا اعىمداعى جوندەۋ جۇمىستارى اياسىندا 12 كوپ پاتەرلى تۇرعىن ءۇيدىڭ قاسبەتى جاڭاردى.
«2021 جىلى 64 اۋلا اباتتاندىرىلدى. ونىڭ باستى ەرەكشەلىگى جوندەلىپ جاتقان اۋلالاردىڭ تۇرعىندارىمەن بىرلەسكەن شەشىم قابىلداۋ بولدى. تۇراقتى ديالوگ بارىسىندا تۇرعىندارمەن بىرگە ورتاق بىرلەسكەن شەشىم قابىلداۋ ادىسىمەن نە قالدىرۋ، كەڭەيتۋ نەمەسە الىپ تاستاۋ تۋرالى شەشىم قابىلداندى»، - دەپ جالعاستىردى اۋدان اكىمى.
ايتا كەتەرلىگى، ءار اۋلانى قابىلداۋ تۇرعىنداردىڭ قاتىسۋىمەن جۇزەگە اسىرىلدى. 42 اۋلا ءالى جابىلماعان، ولاردى جوندەۋدى اكىمدىك 2022 جىلعا جوسپارلاۋدا، تۇرعىندار بولاشاق جوندەلەتىن نىسانداردى جوبالاۋعا قاتىستى.
«كوپتەگەن اۋلالاردا ءارتۇرلى جاستاعى جانە قىزىعۋشىلىقتارى بار توپتار ءۇشىن الاڭدار جوبالانعان. اۋلالاردا بالالاردىڭ قاۋىپسىزدىگىن قامتاماسىز ەتۋگە جانە كوگالداندىرۋعا كوپ كوڭىل ءبولىندى. ۇلكەن الاڭدارى بار اۋلالار ءۇشىن جاياۋ سەرۋەندەۋگە، ۆەلوسيپەد تەبۋگە جانە جۇگىرۋگە ارنالعان اينالما مارشرۋتتار قاراستىرىلعان»، - دەدى ە.سەيتەنوۆ.
مىسالى، ماناس-جامبىل-بايزاقوۆ-شيەۆچەنكو كوشەلەرىنىڭ ورامىندا 30-دان استام از قاباتتى تۇرعىن ءۇي ورنالاسقان، اۋماقتىڭ كوپ بولىگىندە زاڭسىز سالىنعان گاراجدار مەن شارۋاشىلىق قۇرىلىستارى بار، ال بالالار، سپورت جانە وزگە دە الاڭدار جوق. بۇل الاڭدا تۇرعىنداردىڭ ءبىر بولىگى ۇيلەردى بۇزۋدى كۇتتى. بۇل جۇمىستار بۇگىندە توقتاپ تۇر.
المالى اۋدانىنىڭ اكىمى كەلەسى جىلى وسى الاڭدا زاڭسىز قۇرىلىستاردى ءسۇرۋ ەسەبىنەن اۋلا كەڭىستىگىن تۇبەگەيلى وزگەرتەتىنىن حابارلادى. ولاردىڭ ورنىنا كوگالداندىرىلعان شاعىن سكۆەرلەر، فۋتبول، ستريتبول جانە ۆولەيبول الاڭدارى، كوشە ترەناجەرلارى، اتكەنشەك ايماقتارى، بالالار مەن جاستارعا ارنالعان الاڭدار سالىنادى. بۇزىلعان شارۋاشىلىق قۇرىلىستارىنىڭ ورنىنا تۇرعىندارعا زاتتاردى جيناۋعا ارنالعان بالامالى ورىندار ۇسىنىلادى.
سونداي-اق، الماتى قالاسىنىڭ قالا قۇرىلىسىن باقىلاۋ باسقارماسىمەن بىرلەسىپ، زاڭسىز ورناتىلعان 81 گاراج مەن شلاگباۋمدى بۇزۋ بويىنشا ءىس-شارالار جۇرگىزىلدى.