جالپى شىعىن كولەمى - 20،4 ملرد تەڭگە.
اۋەزوۆ جانە بوستاندىق اۋداندارىنا دا ۇلكەن زالال كەلدى. بۇل تۋرالى الماتى قالاسىنىڭ اكىمى باقىتجان ساعىنتايەۆقا الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسى بارىسىندا اكىمنىڭ ورىنباسارى ءىلياس وسەروۆ حابارلادى، دەپ حابارلايدى Almaty-akshamy.kz
المالى اۋدانىندا كەلەسى نىساندار زارداپ شەكتى: 7 ازىق-تۇلىك دۇكەنى 13،7 ملن تەڭگەگە، 284 ازىق-تۇلىك ەمەس دۇكەنى 8336 ملن تەڭگەگە، 2 قارۋ-جاراق دۇكەنى 5150 ملن تەڭگەگە، 15 قوعامدىق تاماقتانۋ نىسانى 158 ملن تەڭگەگە، 35 لومبار 2625 ملن تەڭگەگە، 5 جقس 52،5 ملن تەڭگەگە، 25 قارجى ۇيىمى 145 ملن تەڭگەگە، 29 ءىرى بيزنەس نىسانى 3965 ملن تەڭگەگە، ت.ب. زارداپ شەكتى، جالپى شىعىن 20،4 ملرد تەڭگەنى قۇرادى.
اۋەزوۆ اۋدانىندا 153 دۇكەن، ونىڭ ىشىندە 1 قارۋ-جاراق، 9 قوعامدىق تاماقتانۋ ورنى، 21 جقس، 11 لومبارد جانە 10 ءىرى بيزنەس نىسانى قيرادى. جالپى شىعىن 20،1 ملرد تەڭگەگە باعالانادى.
بوستاندىق اۋدانىنداعى نىساندار 17،3 ملرد تەڭگەگە شىعىنعا ۇشىرادى.
ءى. وسەروۆتىڭ ايتۋىنشا، ەڭ از شىعىن ناۋرىزباي اۋدانىندا – 72،5 ملن تەڭگە.
قالالىق شتاب وتىرىسىندا ءسوز سويلەگەن اكىم ورىنباسارى زارداپ شەككەن نىساندار بويىنشا دەرەكتەردى جيناۋ جۇمىستارى جالعاسىپ جاتقانىن، سونىڭ ىشىندە جەرگىلىكتى جەرگە بارىپ، جيناقتالۋدا ەكەنىن اتاپ ءوتتى. باعالاۋ كاسىپكەرلەردىڭ اقپاراتى نەگىزىندە، ياعني ساراپشىلاردى تارتا وتىرىپ، تولىققاندى اۋديت جۇرگىزبەي جۇزەگە اسىرىلدى.
«بەلگىلى بولعانداي، قازىرگى ۋاقىتتا ۇكىمەت زالالدى باعالاۋ جانە وتەۋ تەتىگىن ازىرلەۋدە. بۇل قۇجاتتا وتەۋ سوماسىن انىقتاۋ ادىستەمەسى، كوميسسيالار مەن باعالاۋشىلاردىڭ جۇمىس ءتارتىبى، سونداي-اق باسقا دا راسىمدەر رەگلامەنتتەلەتىن بولادى»، - دەپ اتاپ ءوتتى ءى. وسەروۆ.
وتىنىمدەردى بەرۋ سايت ارقىلى جۇزەگە اسىرىلادى دەپ كۇتىلۋدە infokazakhstan.kz («اتامەكەن» ۇكپ اكىمشىسى، سايت تەحنيكالىق تۇرعىدا دايىن). وتىنىمگە كاسىپكەرلەر تەتىكتە كورسەتىلەتىن قۇجاتتار پاكەتىن، ونىڭ ىشىندە زالال فاكتىسى بويىنشا قىلمىستىق ءىس قوزعاۋ تۋرالى حابارلامانى قوسا بەرۋى كەرەك.
ەسەپتەۋلەر زالالدىڭ 3 ساناتى بويىنشا جۇرگىزىلەدى: جىلجىمايتىن مۇلىك، جىلجىمالى مۇلىك جانە جابدىقتار مەن تاۋارلار.
بۇدان ءارى وتىنىمدەردى اۋداندىق كوميسسيا قارايدى. ونىڭ قۇرامىنا ءماسليحات، اكىمدىك، كاسىپكەرلەر پالاتاسى جانە قوعامدىق بىرلەستىكتەر وكىلدەرىن قوسۋ جوسپارلانۋدا. بۇدان ءارى بارلىق راستايتىن قۇجاتتار مەن باعالاۋ ناتيجەلەرىنىڭ نەگىزىندە كوميسسيا زالالدى وتەۋ تۋرالى شەشىم قابىلدايتىن بولادى.