الماتىدا دارى-دارمەك قورى كەم دەگەندە ەكى ايعا جەتەدى

الماتىدا ءدارىحانالار شتاتتىق رەجيمدە جۇمىس ىستەيدى

الماتى قالاسىنىڭ كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسى بارىسىندا مەگاپوليستى دارى-دارمەكتەرمەن جانە مەديسينالىق ماقساتتاعى بۇيىمدارمەن قامتاماسىز ەتۋ تۋرالى باياندادى، دەپ حابارلايدى Almaty-akshamy.kz 

الماتىداعى 975 ءدارىحانانىڭ 920-ى (95%) شتاتتىق رەجيمدە جۇمىس ىستەيدى. ءورازاليننىڭ ايتۋىنشا، بۇگىندە ولاردىڭ بارلىعى دەرلىك قاجەتتى دارى-دارمەكتەرمەن جانە مەديسينالىق ماقساتتاعى بۇيىمدارمەن تولىق قامتاماسىز ەتىلگەن.

«اعىمداعى جىلى تۇراقتاندىرۋ قورى ارقىلى دارىلىك زاتتاردى ساتىپ الۋ تەتىگى ۇزارتىلدى. وسىلايشا، قالانىڭ بولشەك ساۋدا جەلىلەرى ءۇشىن نەگىزگى جەتكىزۋشىلەر «ينكار» ج ش س، «مفك بيولا» ج ش س جانە «كفك مەدسەرۆيس پليۋس» ج ش س بولىپ تابىلادى، ولارمەن ساتىپ الۋ ءۇشىن شارت جاسالدى. جەتكىزۋدىڭ جالپى كولەمى 9،2 ملن تەڭگەنى قۇرايدى»، - دەدى كاسىپكەرلىك جانە ينۆەستيسيالار باسقارماسىنىڭ باسشىسى.

سونىمەن قاتار، ول وسى كومپانيالاردىڭ قويمالارىنداعى دارىلىك زاتتار مەن مەديسينالىق ماقساتتاعى بۇيىمداردىڭ جالپى قالدىعى 15،5 ملن بىرلىكتى قۇرايتىنىن، بۇل قالاداعى تاپشىلىق تاۋەكەلدەرىن بارىنشا ازايتاتىنىن اتاپ ءوتتى. سونداي-اق، كوتەرمە جەتكىزۋشىلەر مەن قالانىڭ بولشەك ساۋدا جەلىلەرىندە شامامەن 2 اي مەرزىمگە جەتكىلىكتى قور بار.