قالادا قالىپتاسقان جاعدايعا بايلانىستى 71 مىڭنان استام بالانى قامتىعان 860 مەكتەپكە دەيىنگى ۇيىم (190 مەملەكەتتىك جانە 670 جەكە مەنشىك) 5 قاڭتاردان باستاپ ءوز جۇمىسىن ۋاقىتشا توقتاتتى.
الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا الماتى قالاسىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسى بارىسىندا ءبىلىم بەرۋ ۇيىمدارىنداعى وقۋ پروسەسىنە دايىندىق تۋرالى باياندادى، دەپ حابارلايدى Almaty-akshamy.kz
ءبىلىم باسقارماسى باسشىسىنىڭ ايتۋىنشا، تج رەجيمى اياقتالعاننان كەيىن 20 قاڭتاردان باستاپ بالاباقشالاردىڭ جۇمىسىن قايتا باستاۋ جوسپارلانۋدا. بۇل رەتتە قالاداعى ەپيدەميولوگيالىق جاعداي مىندەتتى تۇردە ەسكەرىلەتىن بولادى، سوندىقتان بالاباقشالار كەزەكشى توپتار رەجيمىندە جۇمىس ىستەۋى مۇمكىن. مەكتەپكە دەيىنگى مەكەمەلەردىڭ جۇمىس ءتارتىبى تۋرالى اتا-انالار مەن قىزمەتكەرلەر اراسىندا ءتۇسىندىرۋ جۇمىستارى قوسىمشا ۇيىمداستىرىلاتىن بولادى.
«بۇگىندە توتەنشە جاعداي كەزىندە مەكتەپكە دەيىنگى مەكەمەلەردى قارجىلاندىرۋ ماسەلەسى اشىق كۇيىندە قالىپ وتىر، اتاپ ايتقاندا، 30 640 ورىندىق 519 جەكەمەنشىك بالاباقشادا، سونداي-اق 173 مەملەكەتتىك بالاباقشادا ورنالاسقان مەملەكەتتىك تاپسىرىس تۋرالى ءسوز بولىپ وتىر»، - دەپ اتاپ ءوتتى جىلقىبايەۆا.
ءبىلىم باسقارماسىنىڭ باسشىسى مەكتەپتەردەگى قىسقى دەمالىس 17 قاڭتارعا دەيىن، كوللەدجدەردە 24 قاڭتارعا دەيىن ۇزارتىلعانىن ەسكە سالدى. قالادا ەپيدەميولوگيالىق احۋالدىڭ ناشارلاۋىنا بايلانىستى 17 قاڭتاردا وقۋشىلار قاشىقتىق فورماتتا ساباقتارعا كىرىستى.
«بىزدە قاشىقتان وقىتۋ فورماتىندا جۇمىس تاجىريبەسى بار، مۇعالىمدەر وتكەن جىلى سيفرلىق ساۋاتتىلىقتى ارتتىرۋ كۋرستارىنان ءوتتى. وقۋ پروسەسىن ۇيىمداستىرۋ ءۇشىن بارلىق جاعداي جاسالعان، اتا - انالار كومپيۋتەرلەرگە نەمەسە نوۋتبۋكتەرگە، ينتەرنەتكە قوسىلۋ قاجەتتىلىگى تۋىنداعان جاعدايدا مەكتەپ ديرەكتورىنا نەمەسە اۋداندىق ءبىلىم بولىمدەرىنە جۇگىنە الادى، وندا ولارعا وسى ماسەلەلەردى شەشۋگە كومەكتەسەدى»، - دەدى ءلاززات جىلقىبايەۆا.
24 قاڭتاردان باستاپ 83 كوللەدجدىڭ 73 مىڭنان استام الماتىلىق ستۋدەنتى ساباققا كىرىسەدى، ولار ءۇشىن وقىتۋدىڭ ارالاس فورماتى كوزدەلگەن: دارىستىك ساباقتار ونلاين-رەجيمدە وتكىزىلەدى، ال پراكتيكالىق ساباقتار سانيتاريالىق تالاپتاردى ساقتاي وتىرىپ، يكەمدى كەستە بويىنشا وفلاين ۇيىمداستىرىلادى.