2025 جىلى 13 قاراشا كۇنى 110 كۆ №124ا جانە №101ا ەلەكتر بەرۋ جەلىلەرىندە جارىقتىڭ اپاتتىق ءوشۋ تىركەلدى. سونىڭ سالدارىنان پس-162ا «العاباس»، پس-169ا «اقبۇلاك» جانە پس-123ا «اجەو-2» سىندى بىرنەشە ءىرى قوسالقى ستانسيا ۋاقىتشا ەلەكتر قۋاتىنسىز قالدى، - دەپ حابارلايدى Aqshamnews.kz.
اپات الماتى قالاسى الاتاۋ اۋدانىنىڭ تۇتىنۋشىلارىنا دا اسەر ەتتى. ەلەكترمەن جابدىقتاۋ تومەندەگى شاعىناۋدانداردا ۋاقىتشا توقتاتىلدى:
اقبۇلاق، العاباس، اقكەنت، سايالى، تەرەكتى، عاجايىپ، كوكساي، نۇركەنت، دارابوز، زەردەلى، سونداي-اق رايىمبەك داڭعىلى – مومىش ۇلى – موڭكە بي كوشەلەرىنىڭ ارالىعىنداعى اۋماق.
وقيعا ورنىنا جەدەل تۇردە اپاتتىق-قالپىنا كەلتىرۋ بريگادالارى جىبەرىلدى. ماماندار اپاتتىڭ سەبەبىن انىقتاۋعا كىرىسىپ، ەلەكتر قۋاتىن كەزەڭ-كەزەڭىمەن قالپىنا كەلتىرۋ جۇمىستارىن جۇرگىزدى.
14 قاراشا، ساعات 00:12-دە، پس-110/10 كۆ №169ا «اقبۇلاق» قوسالقى ستانسياسى 110 كۆ №101ا جەلىسى ارقىلى قايتا قوسىلدى. قازىرگى ۋاقىتتا ماماندار نۇركەنت، اقكەنت، العاباس، تەرەكتى جانە كوكساي شاعىناۋداندارىنداعى ەنەرگيامەن جابدىقتاۋدى قالپىنا كەلتىرۋ جۇمىستارىن جالعاستىرىپ جاتىر.
اپاتتىق-قالپىنا كەلتىرۋ جۇمىستارى ەلەكترمەن جابدىقتاۋ تولىق ورنىنا كەلگەنشە جۇرگىزىلەدى.
جاۋاپتى مەكەمە ۋاقىتشا قولايسىزدىق ءۇشىن كەشىرىم سۇرايدى.
ەسكە سالا كەتەيىك، كەشە كەشكىسىن الماتى قالاسىنىڭ الاتاۋ اۋدانىندا ەلەكتر بەرۋ جەلىلەرىندە اپاتتىق جاعداي بولىپ، «اقبۇلاق»، «العاباس»، «اقكەنت»، «سايالى»، «تەرەكتى»، «عاجايىپ»، «كوكساي»، «نۇركەنت»، «دارابوز»، «زەردەلى» شاعىناۋداندارى جانە رايىمبەك داڭعىلى – مومىش ۇلى – موڭكە بي كوشەلەرىنىڭ اراسىنداعى اۋماق ەلەكتر جارىعىنسىز قالدى.