الماتى اكىمى ەربولات دوسايەۆ ءداستۇر بويىنشا تۇرعىندارمەن بىرگە الما اعاشىن وتىرعىزدى. «تازا قازاقستان» رەسپۋبليكالىق ناۋقانى مەن «الماتى – ءبىزدىڭ ورتاق ءۇيىمىز» قالالىق ناۋقانى اياسىندا «الماتى – ب ا ق قالا» اكسياسى ءوتتى.
نەگىزىنەن كوشەتتەر سايالى شاعىن اۋدانىنداعى قاراعايلى ورمانعا، «ALA» ساياباعىندا جانە بورالداي وزەنىنىڭ بويىندا باقىلاۋ الاڭىنىڭ جانى سىندى الاتاۋ اۋدانىنداعى ءۇش جەرگە ەگىلدى.
قاراعايلى ورمانىنداعى اكسياعا الماتى اكىمى ەربولات دوسايەۆ قاتىستى. تۇرعىندار مەن ەكوبەلسەندىلەرمەن بىرگە ۇاك بويىنداعى ساياباققا 500 الما جانە 500 ورىك كوشەتى وتىرعىزىلدى. ال «اLA» ساياباعىنىڭ اۋماعىندا 2270 كوشەت وتىرعىزىلدى.
ءىس-شاراعا «الاتاۋ» ءداستۇرلى ونەر تەاترىنىڭ ارتيستەرىمەن قاتار، الىشەر كارىموۆ، انار باتىرحان، ءمادينا ءسادۋاقاسوۆا جانە ت.ب. 1500-دەن استام قازاقستاندىق ەسترادا جۇلدىزدارى قاتىستى.
سكريپكاشى، قازاقستاننىڭ ەڭبەك سىڭىرگەن قايراتكەرى ءجاميلا سەركەبايەۆا بۇل اكسيا ادامداردى قالامىزدى كوگالداندىرۋ جانە تازا ۇستاۋ يدەياسىنىڭ توڭىرەگىندە بىرىكتىرگەنىن جانە ول داستۇرگە اينالۋعا ءتيىس ەكەنىن اتاپ ءوتتى.
«الماتى قالاسى اكىمدىگىنە ەكولوگيالىق ءىس-شارانى ۇيىمداستىرعانى ءۇشىن كوپ راحمەت. وتە جاقسى ۇيىمداستىرىلعان، الماتىلىقتار وسى يگى ىسكە شىن ىقىلاسىمەن قاتىسىپ جاتىر. اعاش وتىرعىزۋعا مەنىڭ كوپتەگەن ارىپتەسىم، شىعارماشىلىق ادامدار، سونداي-اق قالانىڭ ءارتۇرلى ۇيىمىنىڭ وكىلدەرى اتسالىستى. بۇل مەملەكەتتىك ۇيىمداردا جۇمىس ىستەيتىن سيرك، حايۋاناتتار باعىنىڭ، كىتاپحانالاردىڭ، مۋزەيلەردىڭ، وركەسترلەردىڭ قىزمەتكەرلەرى مەن ارتيستەرى. ءبارىمىز اكسيانى قولداۋعا كەلدىك. ەڭ باستىسى، ءبىز قالامىزدى وتە جاقسى كورەمىز جانە ونىڭ بۇرىنعىدان دا جاسىل ءارى تازا بولعانىن قالايمىز. «الماتى – ءبىزدىڭ ورتاق ءۇيىمىز» كەرەمەت ناۋقان»، - دەپ ءسوزىن تۇيىندەدى ارتيست.
ستۋدەنت، قازاقستان حالقى اسسامبلەياسىنىڭ مۇشەسى راۋان ەسجانوۆ الماتى قالاسى اكىمدىگىنە وسىنداي ماڭىزدى وقيعانى وتكىزگەنى ءۇشىن ريزاشىلىعىن ءبىلدىردى. «بۇل اكسيا جاستار مەن وسكەلەڭ ۇرپاق ءۇشىن ۇلگى بولعاندىقتان، اعاشتاردى وتىرعىزىپ قانا قويماي، ودان ءارى تابيعاتقا قامقورلىق جاساۋ دا ماڭىزدى. اعا بۋىنمەن بىرگە اعاش وتىرعىزۋعا قاتىسقاندارىڭىز ءۇشىن راحمەت»، - دەدى ول.
ەستەرىڭىزگە سالا كەتەيىك، اكسيا بارىسىندا 8 مىڭنان استام اعاش وتىرعىزىلدى، ونىڭ ىشىندە 4 مىڭنان استامى الما. «قاراعايلى ورمانى» ساياباعىنىڭ اۋماعىندا 500 الما جانە ورىك كوشەتى، «ALA» ساياباعىنىڭ اۋماعىندا 2270 كوشەت جانە بورالداي وزەنىنىڭ بويىنداعى باقىلاۋ الاڭىندا 1000-عا جۋىق كوشەت وتىرعىزىلدى.