الماتىنى ودان سايىن كوركەيتەمىز

بوستاندىق اۋدانىندا قالا تۇرعىندارى مەن قوناقتارى 125 الما اعاشىن وتىرعىزدى

بوستاندىق اۋدانىندا بارلىعى 400 جاسىل جەلەك وتىرعىزىلدى: 125 الما، 25 قاراعاي جانە 250 بۇتا. 

كوشەتتەر ءۇش جەرگە ەگىلدى: تۇڭعىش پرەزيدەنت ساياباعى، ءال-فارابي-سادىقوۆ كوشەسى جاعىندا، اباي داڭعىلىنىڭ ءبولۋ جولاعى جانە عابدۋللين كوشەسىنىڭ بويىندا.  

ءىس-شاراعا ەلىمىزدىڭ ەڭبەك سىڭىرگەن قايراتكەرلەرى، الەم چەمپيوندارى، بلوگەرلەر، قازاقستاندىق ەسترادا جۇلدىزدارى، اۋدان بەلسەندىلەرى مەن باستاماشىل تۇرعىنداردى قوسقاندا 780-دەن استام ادام قاتىستى.

كۇيشى-دومبىراشى ايگۇل ۇلكەنبايەۆا مۇنداي ماڭىزدى ءىس-شاراعا قاتىسپاي، ۇيدە جاتا الماعانىن ايتتى.

«بۇل تۇرعىندار، تابيعاتتى ايالاپ، باعاسىن بىلەتىندەر ءۇشىن ماڭىزدى وقيعا. بۇگىن ءبىز وسىنداي يگى ىستە باس بىرىكتىرىپ، الماتىنى ودان سايىن كوركەيتەمىز!»، - دەدى ول.

اكسياعا قالا تۇرعىنى، بلوگەر جانە ءانشى ماليكا ەسمۇحانبەتوۆا اتسالىستى. 

«قالامىزدىڭ ودان دا ادەمى ءارى جايقالتۋعا ۇلەس قوسقانىما قۋانىشتىمىن. ءار اعاش ءبىز ءۇشىن، تابيعات ءۇشىن ماڭىزدى. ءبارىمىز وسىلاي جينالعانىمىزعا قۋانىشتىمىن. قازاقستانىمىز وركەندەي بەرسىن!»،- دەدى ول. 

قالا تۇرعىندارى ءۇشىن مەرەكەلىك كوڭىل-كۇيدى قولداۋ ماقساتىندا اۋداننىڭ شىعارماشىلىق ۇجىمدارىنىڭ قاتىسۋىمەن كونسەرت ۇيىمداستىرىلدى. 

ەستەرىڭىزگە سالا كەتەيىك، اكسيا بارىسىندا 8 مىڭنان استام اعاش وتىرعىزىلدى، ونىڭ ىشىندە 4 مىڭنان استامى الما. «قاراعايلى ورمانى» ساياباعىنىڭ اۋماعىندا 500 الما جانە ورىك كوشەتى، «ALA» ساياباعىنىڭ اۋماعىندا 2270 كوشەت جانە بورالداي وزەنىنىڭ بويىنداعى باقىلاۋ الاڭىندا 1000-عا جۋىق كوشەت وتىرعىزىلدى.