الماتىنىڭ الاتاۋ اۋدانىندا "حالىق قاتىساتىن بيۋدجەت" اياسىندا 50-دەن استام قوعامدىق كەڭىستىك قۇرىلدى
2023 جىلى الماتىدا "حالىق قاتىساتىن بيۋدجەت" باعدارلاماسى اياسىندا 50-دەن استام قوعامدىق كەڭىستىك قۇرىلدى. بۇل تۋرالى قالا باسشىسى ەربولات دوسايەۆ الاتاۋ اۋدانىنىڭ تۇرعىندارىمەن ەسەپ بەرۋ كەزدەسۋىندە مالىمدەدى.
قوعامدىق كەڭىستىكتەرگە مىنالار كىرەدى: ۇزىندىعى 1،5 كم احانوۆ كوشەسىندەگى ءۇش شاعىن اۋداندى بايلانىستىراتىن جاياۋ جۇرگىنشىلەر ايماعى: الاتاۋ سيتي، اقبۇلاق، دارابوز ش/ا، "سيرەن باعى" تاقىرىپتىق الاڭى، زەردەلى شاعىن اۋدانىنداعى الاڭ، اۋماعى 35 بولاتىن قاراسۋ ش/ا سكۆەر، ول جەرگىلىكتى تۇرعىنداردىڭ وتىنىشتەرى بويىنشا قۇرىلعان.
2024 جىلى 2،5 ملرد تەڭگە سوماسىنا "حالىق قاتىساتىن بيۋدجەت" باعدارلاماسىنىڭ 45 جوباسى ىسكە اسىرىلاتىن بولادى، قاراسۋ ش/ا-دا سكۆەر قۇرىلىسى جالعاسادى. "قاراعايلى بور" سكۆەرىن كەڭەيتۋ، سونداي-اق چۋلانوۆ، وتەمىسوۆ جانە دوسپانوۆا كوشەلەرىندە قوعامدىق كەڭىستىكتەر قۇرىلادى.
سونىمەن قاتار، وسى جىلدىڭ مامىر ايىندا بورالداي وزەنى بويىنداعى وجەت شاعىن اۋدانداعى توعان اينالاسىنداعى ءىرى رەكرەاسيالىق ايماقتاردىڭ قۇرىلىسى اياقتالادى.
ايتا كەتەرلىگى، رەكرەاسيالىق ايماق – بۇل حالىقتىڭ دەمالىس ورىندارىن ۇيىمداستىرۋعا ارنالعان قالاداعى ارنايى بولىنگەن اۋماق