الماتنىڭ الاتاۋ اۋدانىندا 2024 جىلى 23 مىڭعا جۋىق وقۋشىنى مەكتەپ اۆتوبۋستارى تاسىمالدايتىن بولادى
بۇل تۋرالى الماتى اكىمى ەربولات دوسايەۆ الاتاۋ اۋدانىنىڭ تۇرعىندارىمەن ەسەپ بەرۋ كەزدەسۋىندە مالىمدەدى.
"مەكتەپ اۆتوبۋسى" جوباسى اياسىندا الاتاۋ اۋدانىندا 2023 جىلى 10 مىڭنان استام وقۋشىعا قىزمەت كورسەتەتىن 6 مەكتەپكە 36 اۆتوبۋس ءبولىندى.
جاڭا وقۋ جىلىنىڭ باسىندا 23 مىڭعا جۋىق وقۋشىنى قامتي وتىرىپ، 14 مەكتەپكە تاعى 30 اۆتوبۋس ءبولۋ جوسپارلانۋدا.
ەستەرىڭىزگە سالا كەتەيىك، "مەكتەپ اۆتوبۋسى" جوباسى قالا باسشىسىنىڭ تاپسىرماسى بويىنشا 2023 جىلدان باستاپ الماتى اكىمدىگىنىڭ جوبالىق كەڭسەسى اياسىندا مەگاپوليستە جۇزەگە اسىرىلۋدا. ول باستاۋىش سىنىپ وقۋشىلارىنا جانە مەكتەپتەن الىس بالالارعا باعىتتالعان. ونى جۇزەگە اسىرۋ ءۇشىن وتكەن جىلى قالا 100 ارنايى اۆتوبۋس ساتىپ الدى. 2024 جىلى تاعى 100 اۆتوبۋس ساتىپ الىپ، الماتىداعى 27 مەكتەپتى قوسىمشا قامتۋ جوسپارلانۋدا.