الاتاۋ اۋدانى-مەگاپوليستىڭ قارقىندى دامىپ كەلە جاتقان اۋداندارىنىڭ ءبىرى. مۇندا جالپ قالالىق وڭدەۋ ونەركاسىبىنىڭ ۇشتەن ءبىر بولىگى وندىرىلەدى، ونىڭ نەگىزگىسى اۆتوموبيل جاساۋ بولىپ تابىلادى. بۇل تۋرالى قالا تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ مالىمدەدى.
2023 جىلى اۆتوموبيل قۇراستىرۋ ارقىلى ونەركاسىپتىڭ ءوسۋ قارقىنى 28،9% - عا ءوستى.
قالا باسشىسىنىڭ ايتۋىنشا، وتكەن جىلى 16 مىڭنان استام بەلسەندى كاسىپكەرلىك سۋبەكتىلەرى اشىلىپ، 54% ءوسىم بايقالدى.
"بۇل سالىق ءتۇسىمىن 36% - عا ۇلعايتۋعا جانە 9،5 مىڭنان استام جاڭا تۇراقتى جۇمىس ورىندارىن قۇرۋعا مۇمكىندىك بەردى"، - دەدى ەربولات دوسايەۆ.
الماتى اكىمى اۋدان اكىمدىكتەرىنىڭ فۋنكسيالارىن كەڭەيتۋ ەسەبىنەن الاتاۋ اۋدانىنىڭ بيۋدجەتى 8،2 ملرد تەڭگەدەن 28،7 ملرد تەڭگەگە دەيىن 4 ەسەگە ۇلعايعانىن، 2024 جىلى ول 35 ملرد تەڭگەگە دەيىن ۇلعايعانىن اتاپ ءوتتى.